Werken. Deel 1: Gedichten(1875)– Hadewijch– Auteursrechtvrij Vorige Volgende [pagina 64] [p. 64] Ga naar tekstkritische notentekstkritische noten XVII. Dit nuwe iaer es ons onstaen Dies si god ghebenedijt Hi mach gherne den tijt ontfaen Die van minnen hevet delijt 5[regelnummer] Ende die dan kint in sinen sinne Dat hi pine omme hoghe minne Gherne wilt doghen in allen tijt. In allen tiden moet men doghen Die hogher minnen dienen sal 10.[regelnummer] Ende sinen dienst in minnen hoghen Sal hi van haer hebben gheval Ende sal hi die nature bekinnen Daer de minne in mint met minnen Die hem sen ende herte stal. 15[regelnummer] Nuwe tijt ende nuwe minne Dat wondet beide in enen gront Dat ict over nuwe bekinne [pagina 65] [p. 65] Dat hevet mijn herte nu ghewont Dat die edele figure 20.[regelnummer] Verborghen in hare subtile nature Vore ons es soe langhe stont. Die nuwen tiden in minnen diende Dat scene nu herde nuwe sake Want men vindet nu lettel liede 25[regelnummer] Die staen na rechter minnen smake Want den wreden vreemden blivet verholen Hoe mi mijn herte hevet verscolen Die tijt daer ic altoes na hake. [tekstkritische noot]5. in sine. - 6. om hoge. - 14. hem zin. - 17. over nu. [tekstkritische noot]22. nuwe tide. - 23. sceen. - 27. verstolen (?) Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij