Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

⁺ [21] wiedwijs dat si oppenbarde har eenre / nonnen na har doed ende seide dat si sonder ueghuier leed.^aaf)

⁺ DOen si begrauen was staphans
vertoende si har lijsbedden van wans
die te hauwiers ind cloester was nonne
met groter bliscap cleer als de sonne
Doen seid lijsbeth, O lieue urouwe
⁺ bericht mi dies bid ic v op trouwe
ocht ghi waert ind veghuyer yet
neen ic sprac si een vre nyet
maer ic uoer daer harde bi
ende vuerde meneghe ziele met mi
⁺ die ic met gods verhingen troeste
ende vter pinen dies ueghuiers verloeste
ende vuresse met mi in hemelrike
daer si sijn selen euwelike..
Als lutgard had geseght dit, doe
⁺ so dochte lijsbedden dat si sprac toe
een ionghe nonne die machtelt hiet
die noch leefde ende dat si har liet
verstaen ende hiet har dat si saen
har uolghde, dar met woud verstaen
⁺ ende verstont elyzabeth //
⁺ dat die nonne machtelt met
lutgarden soud varen ende dat si har soude
volgen na, ende staphans woude
elyzabeth met varen, ende boed
⁺ har dar toe, maer dat en bescoed
har doen nyet een twintekijn
want en mochte tijr tijt nyet^aag) sijn
maer si seide mijn dochter ghi
selt seker namaels uolghen mi..
⁺ Nu merct hoe saen daer na dit dinc
dat si voerseide in visien, toe ginc..
Acht^aah) daghe na dien cume dat si
machtelden riep de maghet vri
starf machtelt, maer elyzabeth
⁺ bleef leuende ende en voer nyet met..

+ 98 v^o

aaf) 98 v^o in de bovenmarge quomodo apparuit cuidam moniali, hand C, met loodstift

+ 785

+ 790

+ 795

+ 800

+ 805

+ 99 r^o

+ 810

aag) tijr tijt nyet op rasuur

+ 815

aah) Achtd waarin d uitgekrabd

+ 820