Mare liberum

[p. 67]

Cum sub hoc tempus plurimae Regis Hispaniarum literae in manus nostras venissent, quibus ipsius et Lusitanorum institutum manifeste detegitur, operae pretium visum est ex iis, quae pleraeque eodem erant argumento, binas in Latinum sermonem translatas exhibere.

DOmine Martine Alphonse de Castro Prorex amice, ego Rex multam tibi salutem mitto. Cum hisce literis perveniet ad te exemplum typis impressum Edicti quod faciendum curavi, quo ob rationes quas expressas videbis, aliasque meis rebus conducentes prohibeo commercium omne externorum in ipsis partibus Indiae aliisque regionibus tramarinis. Quandoquidem res haec est momenti atque usus maximi, & quae effici summa cum industria debeat, impero tibi, ut simulatque literas has & edictum acceperis, publicationem eius omni diligentia procures in omnibus locis ac partibus istius imperii, idque ipsum quod edicto continetur exequaris sine ullius personae exceptione, cuiuscunque qualitatis aetatis conditionisve sit, citra omnem moram atque excusationem, procedasque ad impletionem mandati via merae executionis, nullo admisso impedimento, appellatione, aut grauamine in contrarium: cuiuscunque materiae generis aut qualitatis. Iubeo itaque hoc ipsum impleri per eos ministros ad quos executio pertinet, iisque significari non modo eos qui contra fecerint malam operam mihi navaturos, sed eosdem me puniturum privatione officiorum in quibus mihi seruiunt. Quia autem relatum est mihi commorari in istis partibus externos multos variarum nationum

[p. 68]

Italos, Gallos, Germanos, Belgas, quorum pars maior, quantum intelligimus, eo venit per Persida & Turcarum imperium, non per hoc regnum, adversus quos si ex huius Edicti praescripto ac rigore procedatur, posse inde nonnullas difficultates sequi, si illi ad Mauros inimicos perfugiant, vicinisque munitionum mearum dispositionem indicens, rationesque monstrent quae rebus meis nocere possent, exsequi te hoc edictum volo prout res & tempus ferent, atque ea uti prudentia qua illae difficultates evitentur, curando ut omnes externos in potestate tua habeas eosque custodias pro cuiusque qualitate, ita ut adversus imperium nostrum nihil valeant attentare, utque ego omnino eum sinem consequar quem hoc Edicto mihi proposui. Scriptae Vlyssipone XXVIII Novembris. anno CIƆ IƆ C VI. subsignatum erat, Rex. Inscriptio. Pro Rege. Ad Dominum Martinum Alfonsum de Castro consiliarium suum, & suum Proregem Indiae. Protex amice Rex multam salutem tibi mitto. Etsi pro certo habeo tua praesentia iisque; viribus cum quibus in partes austrinas concessisti, perduelles Hollandos, qui illic haerent, nec minus indigenas qui eis receptum praebent, ita castigatos fore, ut nec hic nec illi tale quicquam in posterum audeant, expediet tamen, ad res tuendas, ut iustam classem eique; operi idoneam, cum tu Goam redibis, in istis Maris partibus relinquas, eiusque imperium & summam praefecturam mandes Andreae Furtado Mendosae, aut si quem ei muneri aptiorem iudicabis, quemadmodum pro tuo in me affectu confido, ea in re non aliud te respecturum quam quod rebus meis erit utilissimum. Scriptae Madritii XXVII. Ianu. CIƆ IƆ C VII. Signatum Rex. Inscriptio. Pro Rege. Ad Dominum Martinum Alfonsum de Castro suum consiliarum & suum proregem Indiae.