Briefwisseling van Hugo Grotius. Deel 16
(2000)–Hugo de Groot– Auteursrechtelijk beschermd7254. 1645 januari 14. Aan A. Oxenstierna.Ga naar voetnoot1Excellentissime et illustrissime domine, Conventurus reginam regentem, ut eam orarem,Ga naar voetnoot2 curam gereret augendi et quamprimum in apertum producendi exercitum Gallicum qui nunc a marescallo Turenae regitur, prius adii, ut regina regens ab omnibus legatis fieri voluit, dominum comitem Bryennium,Ga naar voetnoot3 eique expositis rebus magnis a domino marescallo Torstensonio gestis exposui mea postulata. Ex responso eius cognovi tardum id fore negotium, quia Germanum militem novum conscribere volunt ad implendum illum exercitum, Gallis militibus illa loca non amantibus, Helvetiis vero semper se excusantibus,Ga naar voetnoot4 ubi aliquid in Imperii finibus agendum est; deinde volunt Galli ubertatem pabuli exspectare, nullo facto aut exiguo faeni provisu. Ostendit idem dominus comes Bryennius vehementer hic desiderari nostram cum Dano pacem.Ga naar voetnoot5 Regina regens valde indefinita respondit de suo optimo in nostram reginam affectu.Ga naar voetnoot6 | |
Ita solet. Sed ex domini Avaugourii, qui ex castris domini Torstensonii huc venit,Ga naar voetnoot7 sermone cognovi multum hic metui, ne domini Torstensonii arma non versus ea loca in quibus est princeps Ragozius, sed contra Bavarum se vertant,Ga naar voetnoot8 cum quo rursum nova in arcano Galli habent commercia. In Crucenaco captoGa naar voetnoot9 non modicum lucri fecerunt Galli. Nam et ingentes, ut coepere, pecunias exigent de Transrhenanis locis, et itinera, illis in partibus, caesarianis et Hispanis versus Belgicas partes turbabunt. Marescallus Turenae Catzenellebogiam pro landgravia Hassica exigit a Darmstadensi et triginta millia thalerorum imperialium aut pro illis mille equos. Imperator miserabilem plane epistolam scripsit ad ducem Bavarum, ut ab eo rebus suis afflictis subsidia adipiscatur. Itaque movent se versus partes laborantes Waertius cum equite, cum pedite Merciacus. Creduntur et ex Hungaria copiae venturae in Germaniam aut Bohemiam, ut res tulerint. Saxonici qui sunt in conventu Francofurtensi - nam is etiamnunc durat - consentiunt, ut electores aut eorum legati eant Monasterium.Ga naar voetnoot10 Bavarici iam isti itineri se dedere. Videtur autem non tantum electorum, sed quasi conventus quidam Imperii totius futurus Monasterii. Haec Francofurto nuntiantur. Ex domino Bryennio etiam hoc intellexi, Gallicae partis cardinales adhuc laborare Romae, ne ex papalibus terris miles imperatori mittatur, qui, uti in potestate est imperatoris, posset non contra Ragozium mitti, sed contra Gallos et Suedos,Ga naar voetnoot11 et illorum amicitiam labefactare, hos autem hostes facere papae. Attamen ex Italia scribitur non tantum tria millia militum a papa ventura imperatori, sed alia praeterea decem millia ab aliis Italiae principibus, excitante eos, ut credibile est, papa. Didici etiam ex domino Bryennio residentem perpetuo aliquem ex Gallia apud reginam nostram futurum; videri autem primum ad id munus exercendum fore baronem Rorteium. Dominus CerisantesGa naar voetnoot12 aditum postulavit ad reginam regentem et reginam Angliae. Responsum ei est missum eum ad res Danicas, nullas visas literas quae [ei] residentis munus imponerent;Ga naar voetnoot13 quodsi id esset, [tamen] non eius esse agere quae legatus agere voluit. | |
Crucenacum deditum est Gallis XXVI Decembris. Non fecit pro ea arce servanda quae potuit dux Lotharingus, qui equitatus sui partem ferme alteram misit in Flandriam. Glenii copiae tenues scribuntur esse inter Confluentes et Antonacum,Ga naar voetnoot14 sed inde dicuntur ire in Juliacensem agrum; Bavarici in Franconia maxime, partim ad Hallem Suevicam et Augustam. Francothalia ita undique a Gallis premitur, ut tandem in ipsorum manus ventura credatur. Pars Gallorum hiberna habet apud Trarbachium et Bernocastellum. Audimus imperatori etiam concessam pecuniam aliquantam ex fructibus bonorum ecclesiasticorum in regno Neapolitano. Gallos quosdam, in hibernis minus caute se tenentes, Hispani male habuere, tum in Catalania tum in Italia; hic Hispani ex Finali, illic ex Tarragona. Novus legatus ab imperatore Constantinopolim mitti dicitur. Erfordienses praesidiarii Lauringam oppidum irrupere. Cardinales Harachius et Sabaudus dicuntur a papa mitti ad pacis negotium. Cardinalis Antonius in periculo est ne reus fiat. Helvetii pontificii cum Mediolanensi praefecto nova quaedam pacta fecere. Ipse autem praefectus, pressus pecuniae inopia, desiderat in Hispaniam redire. Ad obsidendam Mottam Lotharingiae pulvis bellicus, globi et alia necessaria venere a Nanciaco. Veriti sunt qui agros colunt quicquam obsessis conferre. Sed ob tormentorum ictus ex Motta paulo longius a vallo oppidi consederunt Galli. Manent indutiae inter ducatum et comitatum Burgundiae. Princeps Condaeus inde huc redit. Abiit iam familia et custodes corporis comitis Harcurtii; ipse Februario mense sequitur. Contra eum imperium habiturus dicitur Leganesius. Plessiacus Pralinus legatus erit pro Gallia Romae. Rex Angliae, dum Londinii per suos de pacis conditionibus agit, speravit dolo capere Plimuthum, Readingum et loca alia. Princeps Robertus in australia Angliae se inferre dicitur. A Basingami obsidione depulsi parlamentarii. Postquam haec scripseram, vidi ducem AurelianensemGa naar voetnoot15 eique commendavi negotium ad Rhenum, facturus idem proximis his diebus apud principem Condaeum et ducem Anguianum,Ga naar voetnoot16 qui nihil magis desiderat quam redire ad eum exercitum et eo quam validissimo uti. Deus, excellentissime et illustrissime domine, regno Suedico per Sublimitatis tuae sapientissima consilia det hunc annum prosperum et multos sequentes, tuae Sublimitatis devotissimus cultor,
| |
Lutetiae, IV/XIV Ianuarii 1645.
Pedites quidam a Neapoli missi sunt in Hispaniam. Romae Galliae insignia ablata sunt aedibus cardinalis Theodati, qui secundus erat Galliae protector. Dicuntur hic Hispani reiecti ab obsidio Elvae in Portugallia et quo maior sit Portugallorum gloria, dicuntur Hispani Castellani fuisse ad tredecim peditum, tria equitum millia. | |
Bovenaan de brief in de copie te Leipzig: Argumentum. Acta cum Bryennio et regina regente. Timor Gallorum de Torstensonio. Ex Crucenaco capto utilitas maxima. De Turena. Imperatoris epistola ad Bavarum. (Qua)re copiae huius se movent. Plures expectantur ex Hungaria et Bohemia. De conventu Francofurti. Subsidia imperatori a pontifice mittenda. Residens Gallus in (Su)edia perpetuo futurus. De Cerisante. Iudicium de Crucenaco capto. Varia ex Germania. De hibernis (Ga)llorum et Hispanorum. Legatus imperatoris Constantinopolim. Cardinales ad pacis negotium mitten(tur). De cardinali Antonio. Quaedam de praefecto Mediolani. Mottae obsidium. Indutiae Burgundorum. De Condaeo, Harcurtio, Leganesio. Pralinus Romae legatus. Anglica. Acta cum Aurelianensi. Pedites Neapoli missi. Theodato Galliae protectio ablata. Portugallorum fortuna. |
|