Briefwisseling van Hugo Grotius. Deel 15

[p. 389]

6853. 1644 mei 7. Aan H. Appelboom.¹

Clarissime domine,

Gratias habens pro literis datis XXIV Aprilis mitto expressas Latine causas belli in Danum, ita ut regina nostra eas imperii sui populis significavit.² Videtur autem bellum istud et longius exspectato fore et cruentum, ubi bellantibus advocatae undique terra marique copiae advenerint. Et de Rakoczio incerta est iudicatio.³ Quem is ad imperatorem miserat auditus est non ab ipso imperatore, sed a consiliariis eius. Neque de Turcicae aulae consiliis certi quid perspicimus et de Moscovia ambiguae sunt coniecturae. Poloniam quieturam persuadent nobis et rationes aliae et prudenter scripta palatini Posnaniensis epistola,⁴ in qua illud nobis honorificum quod optimae fidei nobis reddit testimonium.

Gallia magnum aliquod obsidium in Belgico fine agitat. Augetur et vicecomitis Turenae, qui superioribus Rheni praesidet, exercitus.

Deus, clarissime domine, Claritatem vestram sospitet patria sospite,

Claritati vestrae studiosissimus,
H. Grotius.

1 Hs. Dresden, Sächs. Landesbibl., C 61 A, 42. Eigenh. oorspr. Gedrukt Epist., p. 726 no. 1662. Antw. op no. 6832, beantw. d. no. 6865.

2 Grotius' versie van het schrijven van koningin Christina aan haar rijksstanden, dd. 16/26 januari 1644: Edictum serenissimae potentissimaeque reginae Suedorum ... missum ad populos imperii eius super suscepta regni et populorum defensione contra vim et iniuriam illatam a Daniae rege (BG no. 679A).

3 Onderstaande berichten komen ook voor in Grotius' nieuwsbrieven dd. 7 mei 1644.

4 Grotius verwijst hier naar de vredelievende brief van Krzysztof Opaliński, ‘woiwode’ van Poznań, aan de Zweedse opperbevelhebber Lennart Torstensson, dd. 6/16 mei [= maart] 1644; vgl. no. 6826, en Acta pacis Westphalicae; Die Schwedischen Korrespondenzen I, p. 241.

Lutetiae, VII Maii 1644.

Adres: A monsieur/monsieur Appelboom, Suedois, à Amsterdam. Port.

Adres (volgens de uitgave der Epist.): D. Appelboom.