Briefwisseling van Hugo Grotius. Deel 11

4900. 1640 oktober 28. Aan A. Oxenstierna¹.

Excellentissime atque illustrissime domine,

Accepi clementissimae reginae nostrae literas datas 10 Septembris², quibus quae mandantur exsequar, simul ad regem aditum impetravero, quod propediem futurum est.

Literas accepi a Constantinopoli scriptas 10 Augusti. Ex iis disco magnum esse gaudium in ea urbe totoque imperio, ideo quod sultanus Ebrahimus³ feminas quasdam, quarum semper magnum gregem secum trahit, complexu suo gravidas fecerit. Nam si is sine virili stirpe e vita excessisset, magna dissidia motusque civiles praevidebantur, successionem ambiguam hinc ad se tracturo rege Tartarorum Precopensium⁴, qui substitutum se Ottomannicae domui dicit, inde adolescente quodam, qui se dicit ex Mahumede, fratre Amuratis sultani⁵, conceptum ex serva, quam clam ipsi mater⁶ in spem sobolis submiserit prospiciens scilicet, quod evenit, fieri posse, ut Amurates fratrem eum Mahumedem occideret - quod fecit, cum iret in obsidionem Revani, nequid se absente moveretur -, ipse autem sine stirpe virili decederet. Eadem epistola magnas virtutes principis vizirii⁷ praedicat, animum excelsum et humanum tamen, diligentiam in rebus agendis eximiam, multum ingenii. Itaque is res omnes imperii gubernat, sultanus autem Ebrahimus deses et ingenio hebete, sola sagina ac venere agit principem. Dicitur et classis ibi parari contra Ethruscum et Melitenses.

1 Gedrukt Epist., p. 650; Oxenst. Skrift. 2. afd. IV, p. 80.

2 No. 4841.

3 Ibrahim, sultan der Ottomanen; hij werd in 1648 opgevolgd door zijn toen zevenjarige zoon Mohammed IV.

4 Behadir-Ghiraï.

5 Murad (Amurath) IV had in 1635 zijn broers Bayazit en Suleiman laten executeren. Een zoon van een van beiden is mij niet bekend.

6 Mahpeiker, favoriete van sultan Ahmed I.

7 Kara Mustafa Kemankeş.

[p. 588]

Obiit in Italia dux Guisius⁸. Noyerius⁹ ad procuranda urbis Riceliaci aedificia mittitur.

De pace per Italiam constituenda negotium clam agitur. Interim arma illis in locis quiescunt.

Deus, Excellentissime et illustrissime domine, consilii Sublimitatis tuae felices det exitus.

Tuae Sublimitatis cultor devotissimus
H. Grotius.

8 Charles de Lorraine, hertog van Guise († 30 september 1640).

9 François Sublet de Noyers, staatssecretaris van oorlog.

Lutetiae, 28 Octobris 1640.

Legatus a Mogore¹⁰ exspectatur Constantinopoli.

Catalani auxilia a Gallis poscunt ipsi daturi stipendia. Sed Castellani, qui se apud Perpinianum tenent, fauces Tortosae occupaverunt; et inter ipsos Catalanos, qui maxime se tenent in finibus comitatus Ruscinonensis, apparere incipiunt dissidia.

Leganesius¹¹, contra quam dictum fuerat, Mediolani praefecturam retinet. Melo¹² autem it legatus ab Hispano in Germaniam. Lamboius¹³ ad Mosam dicitur ire, ad Mosellam dux Carolus¹⁴. Sperat se rex anno, quem exspectamus, percepturum milliones LXXV, in quibus erunt XV de bonis ecclesiasticorum.

In Academia nova Riceliaci omnes artes docebuntur Gallico sermone.

10 De vijfde groot-mogol was Djāhān Sjāh. Zijn ambassadeur is niet geïdentificeerd.

11 Diego Mexía Felípez de Guzmán, markies van Leganés, Spaans goeverneur van Milaan.

12 Francisco de Mello, graaf van Assumar, markies van Tor de Laguna.

13 Wilhelm, baron van Lamboy, keizerlijk bevelhebber.

14 Karel IV, hertog van Lotharingen.

Adres: Axelio Oxenstiernae, sacrae reg. Maj. regnorumque Sueciae senatori et cancellario.