Briefwisseling van Hugo Grotius. Deel 11

4898. 1640 oktober 27. Aan A. Hogerbeets¹.

Nobilissime Hogerbeti,

Libenter tum ex literis Nobilitatis vestrae² tum ex relatu uxoris cognovi vestrae domus mihi semper dilectissimae valetudinem bonam et res non malas. Semper mihi sancta erit parentis vestri memoria, qui cum esset vir omnium, qui in illis locis vivebant, optimus, pessime tractatus est ab hominibus impuris, quos sua manet poena, nisi eam jam sentiunt.

Versus Nobilitatis vestrae³ nondum vidi, latent credo adhuc in sarcinulis uxoris, quae jam modo primum advenit. Ego sicut affectum vestrum omnium in me facio plurimi, ita de me mutuum polliceamini rogo; siqua sit facultas mihi, rebus id quam verbis malim ostendere.

Nobilitatis vestrae addictissimus
H. Grotius.

1 Gedrukt Epist., p. 650. Adriaan Hogerbeets, zoon van de tegelijk met Grotius in 1619 veroordeelde Rombout Hogerbeets, was doctor in de beide rechten, en neolatijns dichter; zie NNBW IX, kol. 383v.

2 De brief is verloren gegaan.

3 In 1640 verschenen van Hogerbeets te Utrecht Adriani Hogerbeets I.U.D. Elegia svpplex ex persona Atrebatensium ad... Ludovicum XIII... Atrebati mense Avgvsto victorem, expvgnatorem, triumphatorem. Ultrajecti, Apud Aegidium Roman, Academiæ Typograph. Anno MDCXL, en In admodvm reverendi et illvstris Domini, D. Huberti à Suetendael... anniversarium... Adriani Hogerbeets I.U.D. carmen panegyricvm. Ultrajecti, Apud Aegidium Roman, Academiæ Typograph. Anno MDCXL.

Lutetiae, 27 Octobris 1640.