Briefwisseling van Hugo Grotius. Deel 11

[p. 550]

4865. 1640 oktober 6. Aan L. Camerarius¹.

Illustrissime domine,

Spero bene eventuram valetudini Excellentiae vestrae peregrinatiunculam istam et secessum Culemburgensem; quod ut ita sit Deum ex animo precor. Non potuerat ad id Excellentia vestra tempus elegisse magis a negotiis vacuum.

Apud vos puto jam milites reduci in hyberna. Alibi vero manent adhuc in aperto exercitus, cardinalis Hispani ad XXV millia, Castilionaei² non minor. Cepere Galli praefectum S. Audomari³; in urbem ipsam insidias struxere, sed irritas.

Est rex ad S. Germani cum regina ac filiolis duobus⁴, cardinalis in proximo, omnes bene valentes.

De urbe Taurinorum nihil habemus aliud nisi exiisse inde Hispanos 24 Septembris; pactiones, quae de illis rebus factae sunt, clam habentur magno studio. Interim Catalani dicuntur cepisse Rosas ad mare oppidum magnoque flagrare desiderio libertatis.

Videtur idem ventus et Anglos afflare, quorum gratiam Scoti, quanquam cum armis ingressi Angliam, captant modis omnibus multique Angliae nobiles, jam et civitates nihil immotum relinquunt, ut iterum coeat Angliae parlamentum⁵; quod si sit, multos ibi fautores repertura erit Scotorum causa.

Rumor hic est laborare imperatorem, ut regina mater Suediae⁶ regi Daniae nubat et pro dote afferat jus in Pomeraniam. Ego vero Daniae regem non puto hac aetate bellum in Suedos appetere neque vero, si id velit, situros Daniae primores. Dicitur praeterea imperator velle exonerare archiducissam Claudiam⁷ liberum suorum tutela eamque in se suscipere.

Praefectus castelli Fontani⁸ apud lacum Comensem pecunias a Mediolano Rhaetis missas retinet, donec, sic ait, protestantes, qui in Valle Telina latitant, ejiciantur. Queruntur autem de Rhaetis et hoc Hispani, quod ad tuendum Burgundiae comitatum nihil militis miserint Rhaeti, cum XV millia promisissent. Habent illi exceptiones quasdam; sed in societatibus adeo inaequalibus, qui plus valet, foedera interpretatur suo ex usu.

Gallicus exercitus in fine Belgico maxime apud Peronam est. Hispanicus propius Duaco, sed sparsior. Quid egerit apud Brandenburgicum Arnhemius⁹, quid in Dania sit acturus, scire cum tempore aveo.

Deus Excellentiae vestrae publicoque cuncta det prospera.

Excellentiae vestrae perpetua devinctus observantia
H. Grotius.

1 Copie Uppsala, UB., cod. 388a, ep. 249. Gedrukt Epist., p. 647. Verschillen in orthografie en aperte onjuistheden in de copie Uppsala zijn niet gesignaleerd. Ludwig Camerarius was Zweeds gezant in Den Haag.

2 Gaspard de Coligny, hertog van Châtillon, maarschalk van Frankrijk.

3 Gilles d'Ostrel de Lières, burggraaf van Lières. Zijn gevangenneming door de goeverneur van Ardres, Jean de Bouex de Lermont, wordt beschreven o.a. in de Gazette 1640 no. 128, p. 705-708 dd. 5 oktober; vgl. ook M.N., ‘Capture d'un gouverneur de St. Omer’, Arras, Arch. du Pas-de-Calais, Bibl. hist. B 1330¹⁶.

4 Anna van Oostenrijk met de latere Lodewijk XIV en de jong geboren Philippe, hertog van Anjou, later hertog van Orléans.

5 Het ‘Long Parliament’ kwam op 13 november 1640 bijeen.

6 Maria Eleonora van Brandenburg, weduwe van Gustav II Adolf; zij had zich in het geheim naar Denemarken begeven.

7 Aartshertogin Claudia.

8 Louis Paniza, goeverneur van fort Fuentes.

9 Hans Georg von Arnim-Boytzenburg.

Lutetiae, 6 Octobris 1640.

Adres: Ludovico Camerario, reginae regnique Sueciae consiliario et legato apud praepot. Ord. Foeder. Belgii.