Briefwisseling van Hugo Grotius. Deel 11

4800. 1640 augustus 25. Aan L. Camerarius¹.

Illustrissime domine,

Miror, quid literis meis, quas Excellentia vestra accepisse se negat, morae intervenerit. Ego cessator non fui. Spero jam alicunde emerserint, quando ad amicos aliae bene curatae sunt.

Elector palatinus² jam hinc abit ad regem³ salutandum. Inde Diepam se transferet et mari Batavos reviset. Manente bello Scotico vix est, ut rex Britanniae vires ei det, quibus res indiget. Verba autem apud imperatorem et principes Germanos vereor, ut satis habeant ponderis. Deum oro, ut afflictae domui per vias ipsi cognitas, nobis adhuc obscuras consulat.

Sunt hic literae, quae significant Bavarum⁴ iturum esse ad conventum.

Bannerio⁵ plusculum esse commeatus et socios fidos manere gaudeo. Haud dubie poterunt Suedi aut pacem cum imperatore aut foedus cum Gallo facere magnificis sibi conditionibus.

De intrata a Gallis Atrebatum urbe cum optima civium voluntate jam cuncta cognoverit Excellentia vestra. Manent adhuc non longe inde adversi inter se exercitus castel-

1 Copie Uppsala, UB., cod. 388a, ep. 243. Gedrukt Epist., p. 642. Verschillen in orthografie en aperte onjuistheden in de copie Uppsala zijn niet gesignaleerd. Ludwig Camerarius was Zweeds gezant in Den Haag.

2 Karl Ludwig van de Palts.

3 Lodewijk XIII bevond zich te Amiens nabij het front.

4 Maximiliaan I, keurvorst van Beieren; hij vaardigde Wolfgang Dietrich, graaf van Törring, naar de rijksdag in Regensburg af.

5 De Zweedse veldmaarschalk Johan Gustavsson Banér.

[p. 475]

lumque faciunt, Galli inter eam urbem et Dorlacum, Hispani inter eandem urbem et Duacum.

De Taurinorum autem urbe varia sunt judicia. Sperant ibi Galli penuriam pabuli, farinae, pulveris bellici. Sed ea non tanta apparet, quantam vellent, et opera tarde procedunt. 24 Iulii et secunda Augusti eques, qui in urbe est, per castra Gallica transitum sibi quaesivit, sed frustra. Nocte ante secundam Augusti ac ipsa ea die Leganesius⁶ pontem Pado imponere, princeps Thomas⁷ autem castrorum Gallicorum partem oppugnare conati, sed repressi sunt. Galli machinarum jactibus dejiciunt molas, quibus ad farinam faciendam utuntur oppidani. Supplementa venere magna Leganesio a Neapoli et Mediolano, minora Harcurtio⁸ ex Delphinatu.

Annus in autumnum vergens nihil magni de principis Arausionensis conatibus, si quid tamen novi suscipiet, sperare me sinit⁹. Nemini datur semper esse felici. Et adversam terris fortunam egregie solantur advectae mari divitiae¹⁰.

De Polonico legato Constantinopolim retracto¹¹ et hic famam accepimus et de Tartarorum irruptione in Poloniam. Persas puto omnia facturos, ne bellandum habeant hoc tempore.

Frisii in praefectura sua¹² conferenda satis festini fuere. Translavicani diutius cunctaturi videntur.

Dicuntur caesariani oppugnare Bingam, arcem Baccharachi, Hohentwilam; Piccolominaeus¹³ auctus pecunia multa et quatuor millibus sub Grana¹⁴.

Quantum ex sermonibus principis electoris non minus quam ex literis Excellentiae¹⁵ vestrae intelligo, non est quod multum is princeps a Dano speret. Singuli suum agunt.

Deus det christianis bonam pacem Excellentiaeque vestrae prospera omnia.

Excellentiae vestrae perpetuo observantiae cultu devinctissimus
H. Grotius.

6 Diego Mexía Felípez de Guzmán, markies van Leganés, Spaans goeverneur van Milaan.

7 Tommaso Francesco van Savoye.

8 Henri de Lorraine, graaf van Harcourt-Armagnac.

9 De uitgave der Epist. en de copie Uppsala geven beide een onbegrijpelijk ‘sinunt’.

10 Grotius doelt vermoedelijk op de behouden thuiskomst van de Oostindische retourvloot, die aanvankelijk door Duinkerkers in gevaar was gebracht; vgl. no. 4708.

11 Adalbert (Wojciech) Miaśtkowski. Al op terugreis naar Polen werd hij weer naar Konstantinopel gevoerd en gevangen gezet als straf voor de inval van de Zaporovski kozakken in Turks gebied; vgl. Gazette 1640, no. 108, p. 597, dd. 25 augustus.

12 Willem Frederik, graaf van Nassau-Dietz, volgde zijn broer Hendrik Casimir I op als stadhouder van Friesland; Groningen en Drenthe kozen tenslotte Frederik Hendrik.

13 Ottavio Piccolomini, hertog van Amalfi.

14 Francisco del Caretto, markies van Savona y Grana.

15 Camerarius' brieven aan Grotius van 1640 zijn verloren gegaan.

Lutetiae, 25 Augusti 1640.

Adres: Ludovico Camerario, reginae regnique Sueciae consiliario et legato apud praepot. Ord. Foeder. Belgii.

Boven aan de brief in de copie te Uppsala: R. Hagae 1 Sept. st. n. 1640.