Briefwisseling van Hugo Grotius. Deel 11

[p. 352]

4707. 1640 juni 23. Aan A. Oxenstierna¹.

Excellentissime atque illustrissime domine,

Adeo flaccescit in Italia pontificis auctoritas, ut dux Ethruriae² rogatus a pontifice, ut vim suam commodaret interdicto, quo ipse Lucensem civitatem perculit, non modo id facere abnuerit, verum etiam Lucensium legatis ad se missis³ ostendens gazas suas, dixerit eas ipsorum usibus expositas fore, si quod ipsis a pontifice periculum immineret.

De urbe Taurinorum quid dicam, nescio. Constat Leganesium⁴ habentem secum X millia peditum, VII millia equitum posuisse se ad Moncallerium medio ferme positu inter castra Gallica et Pignerolum; ibi fecisse pontem in Pado et circum pontem munimenta, nempe ut commeatus auferat Gallis, qui cum sint ad XIV millia, contra se habent et eum, quem dixi, Leganesii exercitum et intra urbem sex millia sub Thoma principe⁵. Castrorum quoque munimenta nondum ex omni parte perfecta sunt. Quae omnia efficiunt, ut credamus Harcurtio⁶ necessitatem imponi aut deserendae obsidionis aut rem committendi praelio, cujus eventus tam contra eum quam pro eo esse potest; et jam de damno accepto susurratur aliquid.

Mileraeus et Castilionaeus⁷ cum XXX millibus, quae apud se esse regi asseverarunt, Atrebatum urbem obsidio claudere incipiunt. Abest praefectus urbis Isemburgus comes⁸. Praesidium est MCC peditum, equitum CCC, parum in urbe rerum ad bellum necessariarum, quod bona pars in alia oppida, quibus periculum imminere credebatur, transportata sit. Non longe a Gallicis castris exercitum habent Silva et Lamboius⁹ ad XII millia. Is Silva ad vicarium praefecti urbis Atrebatum gente Hibernum, Eugenium¹⁰ nomine scripsit, ut parce uteretur igniario pulvere, inutilem plebem expelleret, oppidanos, qui arma ferre possent, in numeros referret. Jam audimus et per Gallos aquam aversam a mola, qua ad faciendam farinam oppidani utebantur.

Dux Carolus et Beckius¹¹ ad Mousonum apparuere; iis se opponunt Halerius et Gevrius¹². Villaregius¹³ in comitatu Burgundiae messem praeripuit hostibus. Illi vicissim magnis incendiis in ducatum Burgundiae grassati sunt. Transeunt in Italiam Galli quidam, sed manibus exiguis, unde periculum ipsis ab hoste praeter alterum a valetudine ob aestus corporibus noxios in Alpibus locisque vicinis.

Turcam seditiones detinuere hactenus inter Ianizzaros et eorum semper aemulos spahios. Eis per paucorum supplicia repressis quo arma versurus sit, videbimus; in Moscovitas putant multi, alii in Poloniam.

Angli non longe ab ora sua septem naves cepere praedonum, qui ex Africa eousque pervenerant. Seditiones cessant. De bello Scotico componendo agitur, sed incerto exitu.

Imperator Ratisbonae¹⁴ esse dicitur. Velit elector Palatinus¹⁵ eo mittere, nisi Galli in

1 Gedrukt Epist., p. 628; Oxenst. Skrifter 2. afd. IV, p. 48; gedeelt. gedr. in vert. Brandt-Cattenb., Leven II, p. 269.

2 Ferdinando II de' Medici, groothertog van Toscane.

3 Niet geïdentificeerd.

4 Diego Mexía Felípez de Guzmán, markies van Leganés, Spaans goeverneur van Milaan.

5 Tommaso Francesco van Savoye.

6 Henri de Lorraine, graaf van Harcourt-Armagnac.

7 Charles de La Porte, hertog van La Meilleraye en Gaspard de Coligny, hertog van Châtillon, beiden maarschalk van Frankrijk.

8 Ernst von Isenburg.

9 Felipe da Silva, Spaans bevelhebber, en Wilhelm, baron van Lamboy, keizerlijk bevelhebber.

10 Eugene O'Neill.

11 Karel IV, hertog van Lotharingen, en Johann von Beck, keizerlijk bevelhebber.

12 François de l'Hospital, sieur du Hallier, en François-Louis Potier, markies van Gesvres.

13 Nicolas de Neufville, markies van Villeroi.

14 Te Regensburg werd een rijksdag (13 september 1640-10 oktober 1641) voorbereid. Ferdinand III was er begin juni gearriveerd.

15 Karl Ludwig van de Palts.

[p. 353]

quorum potestate est, id nolint. Ego suasi, rex Angliae potius eo mitteret. Cum nihil hic cum ipso agatur - nec agetur quicquam, nisi Anglia se admisceat - velit princeps elector fide data liberari. At Galli metuentes ne sine ipsis cum imperatore ac Bavaro¹⁶ transigat, id omni modo cavere cupiunt. Exemplum mitto earum literarum quas scripsi, non quidem ad archiepiscopum Cantuariensem¹⁷, sed ad vicecomitem Scutamorii¹⁸, qui nuper archiepiscopi jussu ad me scripserat. In his negotium electoris, ita ut ipse voluit, commendo.

De rebus Bannerii¹⁹ nihil scribo. Absumus enim longius et certiora ad Batavos perferuntur.

Deum rogo, Excellentissime et illustrissime domine, ut Sublimitatem tuam sospitet.

Tuae Sublimitatis cultor devotissimus
H. Grotius.

16 Maximiliaan I, keurvorst van Beieren.

17 William Laud, aartsbisschop van Canterbury.

18 John Scudamore, voormalig Engels gezant in Parijs. Zijn brief aan Grotius ontbreekt; voor Grotius' antwoord zie no. 4700.

19 De Zweedse veldmaarschalk Johan Gustavsson Banér.

Lutetiae, 13/23 Iunii 1640.

Mittuntur ad castra, quae obsident Atrebatum urbem, molae portatiles, pecunia, multum igniarii pulveris, et ad Longavillanum²⁰ sex millia militum sub Smidsbergio²¹.

De Orano obsesso a Mauris, de seditionibus Catalaunicis et Siculis foventur hic rumores. Bingam illata sunt alimenta.

20 Henri d'Orléans, hertog van Longueville.

21 Ludwig von Schmidberg.

Adres: Axelio Oxenstiernae, sacrae reg. Maj. regnorumque Sueciae senatori et cancellario.