Briefwisseling van Hugo Grotius. Deel 11

4686. 1640 juni 9. Aan A. Oxenstierna¹.

Excellentissime atque illustrissime domine,

Princeps elector² a febre sua expeditus valet rectius, utinam et res ejus, quae adhuc in

1 Gedrukt Epist., p. 625; Oxenst. Skrifter 2. afd. IV, p. 45.

2 Karl Ludwig van de Palts.

[p. 320]

morbo cubant, incerto adhuc quem post tot motus finem accepturae sint res Angliae, ex quibus deliberationes Gallicae, ipsius negotium quod attinet, pendent.

Interea non cessant arma diversis in locis. Harcurtius³ jam castra sua vallo munivit. Additur hostem aggressum inferre alimenta et bello necessaria in urbem per ripam amnis exigui, sed repulsum cum clade octingentorum aut amplius hominum insigni virtute vicecomitis Turenae⁴, qui et vulnus acceperit, sed citra mortis periculum. Jam e Gallia non pauci, partim qui in numeris sunt partim voluntarii, ad Harcurtium pervenere, ita ut habere credatur XIV hominum millia. Quod si Leganesius⁵ magnis ad Astam contractis copiis vi omni oppugnatum castra veniat, creditur Harcurtius ei iturus obviam.

In Catalonia ingens fuit seditio; credo tamen a fama eam augeri prodente octo millia Castellanorum occisa et Gallorum auxilia a conjuratis invocari.

Rex Ambianum it. Bene excepit Ransovium⁶. Mileraeius⁷ adhuc in Reteliensi est agro cum decem ferme millibus; nam partem suorum jussus est tradere Castilionaeo⁸ - qui non longe ab Hesdino est -, partem amisit morbis et pugnis infelicibus.

Hispanus Nicaeam in Sabaudia magno firmavit praesidio equitum peditumque.

Sunt hic literae scriptae non longe a Fulda, quae nuntiant ipsum Longavillanum⁹ cum suo exercitu in itinere esse ad Bannerium¹⁰ omniaque ad praelium spectare; sociatos jam cum caesarianis Bavari milites; ipsum Bavarum¹¹ aegrotare; a militibus praesidii Friburgici caesos quingentos caesarianorum; a caesarianis captum Sigeburgum; Luneburgici¹² obscura adhuc esse consilia; a Saxone¹³ et Brandeburgico¹⁴ missos equites adversus nostros, qui in Lusatia Silesiaque sunt. His nihil quod addam habeo, Excellentissime et illustrissime domine, praeter vota pro re communi et pro bona valetudine Sublimitatis tuae consiliorumque ejus successu prospero.

Tuae Sublimitatis cultor devotissimus
H. Grotius.

3 Henri de Lorraine, graaf van Harcourt-Armagnac; hij belegerde 10 mei - 17 september 1640 de stad Turijn. Grotius ontleent de volgende berichten vermoedelijk aan no. 4681.

4 Henri de La Tour d'Auvergne, burggraaf van Turenne.

5 Diego Mexía Felípez de Guzmán, markies van Leganés.

6 Josias, graaf van Rantzau.

7 Charles de La Porte, hertog van La Meilleraye, maarschalk van Frankrijk.

8 Gaspard de Coligny, hertog van Châtillon, maarschalk van Frankrijk.

9 Henri d'Orléans, hertog van Longueville.

10 De Zweedse veldmaarschalk Johan Gustavsson Banér.

11 Maximiliaan I, keurvorst van Beieren.

12 Georg, hertog van Braunschweig-Lüneburg.

13 Johan Georg I, keurvorst van Saksen.

14 Georg Wilhelm, keurvorst van Brandenburg.

Lutetiae, 9 Iunii novi Cal. 1640.

Castilionaeus Bethunam aut Airam obsessurus videtur. Observant eum Silva¹⁵ et Lamboius¹⁶, qui inter Cameracum et Atrebatum habent octo peditum, duo equitum millia. Dux Carolus¹⁷ undecim millia secum habere dicitur, contra quem nondum satis paratus est a copiis Halerius¹⁸, nec Villaregius¹⁹ ad invadendum comitatum Burgundiae.

Pestilentia gravis est in Languedocia. In urbe Turonum novum vectigal placandae plebi abolitum est.

Dicitur de pace agi inter Hispanos et Gallos Pampelonae.

Hagenavia insidias hostium evasit.

15 Felipe da Silva.

16 Wilhelm, baron van Lamboy, keizerlijk bevelhebber.

17 Karel IV, hertog van Lotharingen.

18 François de l'Hospital, sieur du Hallier.

19 Nicolas de Neufville, markies van Villeroy.

[p. 321]

Leganesius habere putatur XVIII M militis, in urbe Taurini. Cum principe Thoma²⁰ sunt septem millia praeter oppidanos. Mitto narrationem rerum ad urbem Taurinorum gestarum²¹.

20 Tommaso Francesco van Savoye.

21 Ontbreekt. Mogelijk betreft het de Gazette van 9 juni 1640, waarin 2 pp. aan Turijn worden gewijd.