Briefwisseling van Hugo Grotius. Deel 10

4442. 1639 december 26. Van Willem de Groot⁶.

Frater optime,

Sororem optimam⁷ novem jam sunt dies cum extulimus proprioque condidimus sepulchro exemplo majorum, funus ab octo centurionibus elatum, octo itidem familiae nostrae insignia feretrum decorabant, comitabantur circiter trecenti armatae togataeque militiae homines. Soror nullo condito testamento, pactis nuptialibus acquievit, quae propria bona cuique conthoralium cum vestimentis, quaesita utrique ex aequo adjiciunt. Video non bene patri⁸ cum liberis⁹ convenire et inducturum novercam omnes judicant; ego hic praeter patrem senem¹⁰ solus sum neque tamen eorum, quos unica soror peperit, liberorum curam deseram. Si filiae se itidem ut filius exhibere possent, nihil esset periculi, tibi si integrum est unam ad te recipere, ego alteram domi meae educam, ne cogantur omnino a nutu δυσϰόλου pendere. Sed de his forte alias latius. Interea hoc nescire te nolui reducem me nudiustertius reperisse hic scriptum de Fide et Operibus¹¹, in quo vel maxime

6 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4431?; beantw. dd. [na 4] januari 1640.

7 Adriana de Groot, gestorven op 10 december 1639 en begraven in de St. Janskerk te 's-Hertogenbosch.

8 Frederik van Losecaat; hij is nooit hertrouwd.

9 Esseline, Anna en Diderik van Losecaat.

10 Jan de Groot.

11 Explicatio trium utilissimorum locorvm N. Testamenti: Capitis I Pauli ad Ephesios. Posterioris partis capitis II Iacobi, commatis IX [sic, pro: XIV] & sequentium. Capitis III Epistolae I Ioannis. In quibus agitur de fide & operibvs. Amsterdami, Apud Ioh. & Cornelivm Blaev, MDCXL; Ter Meulen-Diermanse, no. 1109.

[p. 837]

juvit expositionum quae afferuntur cum veterum dictis harmonia, imprimis de operibus fidem perficientibus, de decreto ad electionem, de possibili sanctorum defectione et praeceptorum Christi implemento, aliisque ejus generis.

Nulla jam nova scribam neque ut advena scio, te interea Deo immortali commendans.

Hagae, XXVI Decembris 1639.

Salutant te liberi tui¹ meique² imprimis vero pater, mater³ et uxor mea⁴. Raptim.

Tibi obsequentissimus frater
Guilielmus Groti(us).

1 Cornelia, Pieter en Diederik de Groot, die op dat moment in de Republiek verbleven.

2 Johan, Jacob, Maria, Alida, Anna en Françoise.

3 Aeltgen Borre van Overschie.

4 Alida Graswinckel.

Adres: A Monsieur Monsieur Grotius, Ambassadeur de la Reine et couronne de Suède A Paris.

In dorso schreef Grotius: 26 Dec. 1639 W. de Groot.

En boven aan de brief: Rec. 4 Dec. 1639 (!)