Briefwisseling van Hugo Grotius. Deel 10

4412. 1639 december 3. Aan L. Camerarius⁶.

Illustrissime domine,

Ex literis, quas Excellentia vestra 21 Novembris⁷ dedit, video ejus maerorem sane justissimum ex infortunio hoc principis electoris⁸. Non possum satis miserari⁹ Bohemiae reginam¹⁰, quae tantis rebus eversa ad ingentes calamitates tantum accessionis accepit ex filiorum duorum¹¹ imminuta libertate. Deus, spero, et qui secundum Deum plurimum in hac re potest, rex Angliae¹² tandem respicient diu

6 Copie Uppsala, UB., cod. 388a, ep. 207. Gedrukt Epist., p. 582. Ludwig Camerarius was Zweeds gezant in Den Haag.

7 Ontbreekt.

8 Karl Ludwig van de Palts.

9 De uitgave der Epist. heeft ‘misereri’.

10 Elisabeth Stuart, gewezen koningin van Bohemen.

11 Karl Ludwig, die zich in Franse gevangenschap en Ruprecht, die zich in keizerlijke gevangenschap bevond.

12 Karel I.

[p. 782]

afflictam domum. Nulla re magis profecturam reginam Bohemiae puto quam apud eum regem precibus hortatibusque continuis. Si aut novum exercitum principi electori dare velit rex Angliae, aut regalibus copiis augere eum, quem habet landgravia¹, quae nobiscum arma resumtura speratur, posset, credo, elector una cum libertate dignum se imperium adipisci. Illustrissimus comes Licestrius² consilia serenissimo electori data improbat sperans id valiturum ad emolliendos Gallorum animos. Nihildum impetravit aliud quam quod interdum sinitur elector coelo frui sub custodibus. Caetera ab Anglia, ut dixi, exspectanda sunt. Cui doleo novas nasci cum semipopularibus Scotis controversias, quas metuo, ne in bellum rursus erumpant. Eos, qui consilio regis Britanniarum nuper sunt additi, viros patriae amantes esse affirmat comes Licestrius habens inter eos affinem propinquum Northumberlandium³.

Dux Longavillanus⁴ adventante Glenio⁵ cedendum judicavit damnumque fecit commeatuum et belli paratuum, qui amne vehebantur, nec minus oppidorum quae ceperat, Germeshemii et Neustadii et siquid ibi erat praeterea. Creditur autem idem dux in Metensi agro capturus hyberna. Metuendum vero, ne peditatus Vinariensis tam longe abductus a Brisaco locisque Brisaco vicinis paulatim aut diffluat aut⁶ Gallorum se numeris addat. Eques paulo melius se sustentat lateque se diffundit, caesique jam bis, ter ab iis hostes partim Rosa⁷ ductante⁸ partim Nassavio⁹.

Harcurtius¹⁰ ex Queri oppido exitum sibi¹¹ quaesivit praelio, cujus exitum nondum plene scimus. Galli, ut solent, se victores publicant, qui nec credere nos volunt, quae de Salza dedita allata nuper fuerant.

Vidi regis Daniae¹² literas ad legatos Batavos¹³, non alio proposito quam trahendi negotium. Batavis haud dubie creverint animi tam illustri victoria¹⁴, utinam simul et curae pro maris rebus in posterum.

Siqua Excellentiae vestrae cum Polonico legato¹⁵ intervenerint colloquia, gaudebo de iis doceri, ut, quid mihi quoque agendum sit, norim.

De Turcarum in Hungariam irruptione rumores hic sunt, magis, credo, quod optetur res quam sciatur. Spero D. Hagae¹⁶ virtutibus ac meritis honorem apud suos fore.

1 Amalie Elisabeth van Hanau-Münzenberg, landgravin-regentes van Hessen-Kassel.

2 Robert Sidney, graaf van Leicester, extraordinarius Engels gezant te Parijs.

3 Algernon Percy, graaf van Northumberland. Zijn zuster Dorothy Percy (1598-1677) was in 1616 getrouwd met Robert Sidney, graaf van Leicester.

4 Henri d'Orléans, hertog van Longueville.

5 Gottfried Huyn, graaf van Geleen, keizerlijk bevelhebber.

6 Het woord ‘aut’ ontbreekt in de copie te Uppsala.

7 Rheinhold von Rosen.

8 De copie te Uppsala heeft ‘adductante’.

9 Wilhelm Otto von Nassau.

10 Henri de Lorraine, graaf van Harcourt-Armagnac.

11 De copie te Uppsala heeft abusievelijk ‘ubi’.

12 Christiaan IV.

13 Albert Coenraetsz. Burgh en Bernard Coenders van Helpen.

14 De overwinning van de Staatse vloot onder Maerten Harpertsz. Tromp op de Spaanse armada bij Duins.

15 Christophe Corvinus Gasziewski.

16 Cornelis Haga, voormalig Staats ‘orator’ te Konstantinopel.

[p. 783]

D. Bannerius¹ metuo, ne de sui tutela potius quam de impetendis hostibus cogitare cogatur ad veteres hostium in Bohemia vires superventantibus Hatzfeldio² Piccolominaeoque³.

Literas electoris ad regem⁴ nondum quivi⁵ indipisci.

Harcurtium aiunt caesis hostium ter mille pervenisse Carignanum liberatumque sic a gravi famis periculo.

Dolens intelligo Scotorum legatos⁶ ad Magnae Britanniae regem non admissos jussosque discedere.

Cum Excellentiae vestrae votis mea conjungo pro pace communi ac bona, simulque ipsi omnia precor felicissima.

Excellentiae vestrae omni observantia addictissimus
H. Grotius.

1 De Zweedse veldmaarschalk Johan Gustavsson Banér.

2 Melchior von Hatzfeldt und Gleichen, keizerlijk bevelhebber.

3 Ottavio Piccolomini, hertog van Amalfi.

4 Lodewijk XIII van Frankrijk.

5 De copie te Uppsala heeft abusievelijk ‘qui’.

6 Charles Seton, graaf van Dunfermline, en John Campbell, baron Loudoun.

Lutetiae, 3 Decembris 1639.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: Reddita A.^o 1639 Hagae comitis 1/11 Xbris.