Briefwisseling van Hugo Grotius. Deel 10

4392. 1639 november 19. Aan L. Camerarius⁴.

Illustrissime domine,

Magno in moerore hic sumus manente adhuc principis electoris⁵ captivitate, quanquam quae ab Anglia ea de re habebat mandata regi⁶ exposuit illustrissimus D. comes Licestrius⁷. Sed Galli omnino volentes firmare quaesitum sibi in exercitum Vinariensem urbesque imperium non modo hoc negotium trahunt, sed et fratribus electoris⁸ dedere, qui eos observent, vetitis hinc discedere. Nec video, quomodo sanari possit hoc novum vulnus inflictum infortunatae domui, nisi rex Angliae⁹ in foedus cum Gallia veniat, qua de re nihildum quale velim intelligo.

Gallorum major quam prima tulit fama fuit ad Salzam clades validis quippe hostium castris machinisque et majore ea defendentium quam oppugnantium numero. Sed hoc damnum pensatur illato in Casale praesidio ad mille equites, pedites totidem ac rebus necessariis caeteris, hoste non auso contra ire, cum octo,

4 Copie Uppsala, UB., cod. 388a, ep. 205. Gedrukt Epist., p. 580. Ludwig Camerarius was Zweeds gezant in Den Haag.

5 Karl Ludwig van de Palts.

6 Lodewijk XIII van Frankrijk.

7 Robert Sidney, graaf van Leicester extraordinarius Engels gezant te Parijs.

8 Moritz, Eduard en Philipp van de Palts. In 1638 waren Moritz en Eduard naar Parijs gegaan voor het volgen van een opleiding aan de ruiteracademie van De Vaux. Philipp is hen later nagereisd.

9 Karel I.

[p. 752]

quae secum is habebat, militum millibus; multum bellici pulveris ad Gallos, qui trans Alpes sunt, missum est. Praeterea comitatus Vinariensi milite dux Longavillanus¹ Germeshemum cepit oppidum, arcem oppugnat. Sed creditur junxisse se cum Hatzfeldio² Piccolominaeus³ et ad Pelsam ire. Bavarici ad Pfershemum erant. Mediolani autem et in Tiroli atque ad Constantiensem lacum multus dicitur miles scribi ad recuperandam Alsatiam, ut quidem caesariani et Hispanici evulgant ad XXX peditum, XII equitum millia. Sed haec supra verum augeri credibile est et partem eorum distinebunt⁴ novi isti per Italiam Gallorum conatus.

Haud dubie ingens est victoria, quae Batavis mari contigit⁵, magnasque dat occasiones tentandae etiam longinquis in locis fortunae maritimae. Et illorum quidem res egregiae; aliis in locis⁶ omnibus miserandae sunt res protestantium, qui apud Rhaetos succumbunt, apud Helvetios languent, in Britannia Germaniaque inter se dissident feraliter. Vinariensium autem praefecti ita pecunia Gallica ductari se patiuntur, ut Palatinae domui ab illis nihil boni sperem.

Suedis honorificum est, quod hostis praelium cum ipsis defugit, pacem autem ab ipsis petit. Pro principe Ruperto⁷, etiamsi quid bonae voluntatis Gallis fuisset, id vereor, ne dispellant novae istae nubes.

A Dano⁸ Polonoque⁹ Batavis nihil nisi longas moras et sine rebus verba auguror neque vero puto pro illis esse id, quod nuper inter Daniam Angliamque coiit foedus.

Cardinalis¹⁰ spem propinquae libertatis significavit D. electori.

Creditur Hatzfeldius habere sex millia militum, Glenius¹¹ autem et Mercius¹² sex peditum, quatuor equitum millia, machinas XXIV. Horum Glenius dicitur se cum Piccolominaeo et Hatzfeldio juncturus.

Constantia civitas neque ab Hispano neque a Bavaro ut praesidium acciperet, induci quivit velut sibi tutandae sufficiens.

Sociabo cum Excellentiae vestrae votis mea pro bona pace ipsique omnia precabor felicissima.

Excellentiae vestrae perpetua observantia devinctissimus
H. Grotius.

1 Henri d'Orléans, hertog van Longueville.

2 Melchior von Hatzfeldt und Gleichen.

3 Ottavio Piccolomini, hertog van Amalfi.

4 De copie te Uppsala heeft ten onrechte ‘destinabunt’.

5 De overwinning van de Staatse vloot onder Maerten Harpertsz. Tromp op de Spaanse armada bij Duins.

6 De woorden: fortunae ... locis zijn door de copiist (copie Uppsala) abusievelijk overgeslagen.

7 Ruprecht van de Palts.

8 Christiaan IV.

9 Wladislas IV (VII).

10 Richelieu.

11 Gottfried Huyn, graaf van Geleen.

12 Franz, vrijheer van Mercy.

Lutetiae, 9/19 IXbris 1639.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: R. Hagae A.^o 1639 d. 17/27 IXbris.