Briefwisseling van Hugo Grotius. Deel 10

4238. 1639 augustus 6. Van L. Aubéry du Maurier¹¹.

Illustrissime domine,

Ob id intercepta est ab hostibus Augusta Taurinorum, quod ducissa¹² praesidio omni ad occupandum castellum quoddam civitati infestum eam denudaverat. Oppidani idoneum tempus nacti injuriarum ulciscendarum et, quod extremae dementiae est, cum ipsimet absentibus praesidiariis portarum custodes constituti essent, Thomam principem¹³ advocarunt, quem abrupta tormento porta nullo propugnante et impediente in urbem receperunt.

De fuso auxilio Casalico confirmatio est expectenda, aliqui heri ad vesperam

11 Hs. Den Haag, KB., coll. Cornets de Gr. no. IV 13s. Eigenh. oorspr. Louis Aubéry du Maurier (1609-1687), zoon van Benjamin Aubéry du Maurier. Zie Haag La France Protestante I², kol. 457 vv.

12 Christine de France, hertogin van Savoye.

13 Tommaso Francesco van Savoye, prins van Carignano.

[p. 504]

dubitabant. Ut pro certo a multis rei gnaris et prudentibus intellexi, nostri juncti Subalpinis, qui ad quinque millia ascendunt, Hispanos et numero et virtute superant confiduntque¹, ny hostes ante suum adventem² se intra civitatem egregie vallaverint, illos impetui suo ferendo impares fore. Si pugnatur et vincitur, salva res est. Lucro nobis fuerit id duchissae infortunium, quoniam Augusta Taurinorum potiemur, deinde Casalio facili negotio succurri poterit. Sin vero nostri vincuntur, actum ferme est de Casalio et toto quasi Pedemontio. Maxime nobilitatis vir³ post cladem Taurinensem ex exercitu nostro scribit nos cum Sabaudis quindecim pugnatorum millia egregia habere nec vero gregariorum sed strenuorum militum, quos pugnandi magna cupidine tenentur, praelium tale tot laboribus finem impositurum arbitratantes⁴.

Tuus notus
Maurerius.

1 Geschreven boven - niet doorgehaald - ‘sperantque’.

2 Verschrijving voor ‘adventum’.

3 Niet geïdentificeerd. Voor ‘Maxime’ leze men ‘Maximae’.

4 Verschrijving voor ‘arbitrantes’.

6 Augusti 1639.

Adres: Pour Monsieur l'Ambassadeur de Suède.