Briefwisseling van Hugo Grotius. Deel 10

4217. 1639 juli 23. Aan J. Camerarius².

Nobilissime domine,

Bene accepi literas Nobilitatis vestrae II Iulii datas³, rerum divites. Tum vero et per uxoris literas⁴ cognovi perstare te in pristina benevolentia adversum me meosque, pro quo gratias ago spondeoque mutuum.

Quae hic aguntur aut intelliguntur aut conjecturis praesumuntur, ea sunt in literis⁵ ad illustrissimum D. legatum parentem Nobilitatis vestrae, quas apertas mitto idem facturus posthac: ita enim fiet, ut et Nobilitas vestra, quae nosci oportet, celerius norit et eadem ad patrem quamprimum curentur.

Deus nos vosque omnes respiciat favens.

Nobilitatis vestrae addictissimus
H. Grotius.

2 Gedrukt Epist., p. 547.

3 Ontbreekt.

4 Ontbreekt.

5 No. 4218 aan Ludwig Camerarius, Zweeds ambassadeur in Den Haag.

Lutetiae, 13/23 Iulii 1639.