Briefwisseling van Hugo Grotius. Deel 10

4098. 1639 mei 7. Aan A. Oxenstierna³.

Excellentissime atque illustrissime domine,

Apparuit hostes plus spei in seditionibus civium quam in vi adversus Taurinorum urbem sperasse⁴. Venerant ad urbem 13 Aprilis ad XII millia peditum,

3 Gedrukt Epist., p. 528; Oxenst. Skrifter 2. afd. II, p. 606.

4 Grotius heeft het nieuws over Turijn kennelijk ontleend aan de Gazette de France, dd. 5 mei 1639, no. 53: Le siège de Tvrin levé par les Espagnols.

[p. 310]

equitum IV. Motus in urbe exstitit aliquid, sed duorum supplicio repressus est. Tum Hispani tribus ex locis urbem machinis verberare coeperunt. Sed cum crebris eruptionibus turbarentur, quippe cum sex millibus, Gallorum maxima ex parte, urbs esset referta, abiere illi die ejusdem Aprilis 25 versique ad retro sita cepere Pontem Sturiae et novam, quae dicitur, Astae urbem. Magnum hic nuntius gaudium regi¹ tulit, ita ut et febris ejus conspicuum in modum sit imminuta.

Ad ducem Vinariensem² eunt IV promissa ei millia. De pecunia ad novum militem e Germania et Helvetiis scribendum ei attributa centum millia scutatorum jam accepit.

Per absentiam Chavigniaci³ significavi Labardeo⁴ res Bannerii⁵: ab ipso Bannerio non minus quam a multis in Germania primoribus et civitatibus exspectari, ut Rhenum Dux transeat. Id si fiat, etiam Suediae reginam⁶ curaturam, ut supplementa ad D. Bannerium veniant rebus magis gerendis sufficientia.

Dixit regi quoque id placere, ut dux trans Rhenum arma inferat. Dubitant tamen alii.

Ad finem Hispaniae itemque Belgicae nihildum agitur.

A Belgico fine rediit modo propinquus cardinalis⁷ Mileraeus⁸. Renuntiat nihil agi posse ob infrequentem militem penuriamque et humani victus et pabuli.

Ab Ulma literae nuntiant res ibi satis trepidas. Est ibi suspicio in arcano morte affectum Goetsium⁹.

Pontifici¹⁰ mortem praedicunt astrologi, genus hominum, quod Romae et vetabitur semper et retinebitur. Id multorum spes metusque commovet.

Deus, excellentissime et illustrissime domine, res cunctas ad bonum dirigat christiani orbis, reginae Regnique Suedici ac tuae Sublimitatis.

Tuae Sublimitatis cultor devotissimus
H. Grotius.

1 Lodewijk XIII. De brenger van het nieuws was op 2 mei in Parijs aangekomen.

2 Bernhard, hertog van Saksen-Weimar.

3 Léon le Bouthillier, graaf van Chavigny.

4 Jean de La Barde.

5 De Zweedse veldmaarschalk Johan Gustavsson Banér.

6 Christina van Zweden.

7 Richelieu.

8 Charles de La Porte, hertog van La Meilleraye, maarschalk van Frankrijk.

9 Johann, graaf van Götz.

10 Urbanus VIII.

Lutetiae, 7 Maii 1639.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.