Briefwisseling van Hugo Grotius. Deel 10

[p. 139]

3998. 1639 maart 1. Aan D. de Groot¹.

Literae abs te binae, mi fili, recte ad me pervenerunt Pontarleriae datae ambae, priores omisso die², posteriores vero celeriter quae huc pervenere 10/20 Februarii datae³.

Ex iis didici quae ibi geruntur, qualia saepe, per te praesertim, cognoscere persuave mihi erit. Gaudeo benigne acceptum ab illustrissimo duce⁴, quod optimo in res ipsius animo suggesseram. Censet Wickefortius⁵ non peccaturum te, interdum si libertatem sumas alloquendi principem, ubi quid relatu dignum ex bonae fidei auctoribus intellexeris.

Nunc quidem nihil fit; nam rumorem, qui multum hic spargitur de adventu in Galliam Anglicae reginae⁶ ad reficiendam valetudinem, quae tabem minatur, non plane affirmaverim. Paratur tamen hospitium et ipsi et principi vestro. Strepunt cuncta canticis, choreis, comoediis ignesque magnifici parantur in honorem reginae Francicae⁷ et D. Delphini⁸.

Scoti mirum quam tumultuentur. Archiepiscopos duos⁹ et sex episcopos¹⁰ in synodo excommunicarunt, sex episcopos¹¹ alios deposuere. Episcopatum regis Iacobi¹² auctoritate constitutum et synodos eum firmantes abrogarunt. His injuriis rex Britanniae¹³ coactus Eboracum se transfert et contra eos, qui arma privata et abs se districte vetita sumpserunt, ad publica arma militem et nobiles convocat etiam externis Walonum usurus auxiliis. Haec incommode interveniunt his temporibus, quibus fedus cum Anglia Suedi Gallique non optabamus tantum, sed et sperabamus.

D. Bannerius¹⁴, ut putamus, jam ad Erfurtum est, pars militis ejus in Westfalia. Caesariani in Clivico principatu Cliviam urbem et Xanthemum, olim Castra Vetera, et Calcarium et Goecham cessere suspecti Batavis vicini.

Vale, mi fili. Nos recte valemus. Frater tuus¹⁵ Argentorati studet; negligit pulchras honoris adipiscendi reique faciendae occasiones, nisi aliam instet viam, futurus ipse sibi gravis.

Calendis Martii novi Calendarii anni 1639.

Tibi optime volens pater
H. Grotius.

1 Gedrukt Epist., p. 510, waar de brief ten onrechte als aan Cornelis geadresseerd wordt opgegeven. Antw. op no. 3964.

2 No. 3964.

3 Ontbreekt.

4 Bernhard, hertog van Saksen-Weimar.

5 Joachim de Wicquefort.

6 Henriette Marie.

7 Anna van Oostenrijk.

8 Lodewijk XIV, geboren op 5 september 1638.

9 John Spottiswood en Patrick Lindsay.

10 Voor hun namen zie men no. 3991, p. 126 n. 6.

11 Voor hun namen zie men no. 3991, p. 127 n. 7.

12 Jacobus I van Engeland.

13 Karel I van Engeland.

14 De Zweedse veldmaarschalk Johan Gustavsson Banér.

15 Cornelis de Groot.