Briefwisseling van Hugo Grotius. Deel 10

3929. 1639 januari 15. Aan I. Jasky¹³.

Nobilissime domine,

Imperatoris¹⁴ et regis Poloniae¹⁵ colloquia, ut semper potentum, parturiunt aliquid¹⁶; viderint sibi Germani et Poloni. Suedi, qui satis norunt, quam invisi sint et huic et illi, arma armis¹⁷, arcanis machinationibus providas cautiones opponent.

13 Hs. Gotha, Stadtarch., cod. Chart. A 473 f.^o 13. Gedrukt Epist., p. 495; Grotii Epist. ad Iasky, p. 29. Antw. op no. 3860 (dl IX, p. 710). Voor geadresseerde, Israel Köhne, genaamd von Jasky (1573-1641), zie men dl. VII, p. 441 n. 10.

14 Ferdinand III.

15 Wladislas IV (VII).

16 Vgl. Horatius Ars Poet. 139: parturient montes, nascetur ridiculus mus.

17 De uitgave der Epist. geeft de lezing: ‘ac viris’.

[p. 32]

Conventum in Polonia cudi audimus, ubi agatur de Cosaccis, de principe Casimiro¹, de vectigali apud vos et de Turca²: digni vindice nodi et non tam facile explicabiles.

Captum post longam famem et irrita toties hostium tentamenta Brisacum multum famae duci Vinariensi³, multum securitatis et Gallis in illo fine et Helvetiis attulit. Mansere civitati bona, libertas, etiam religionis; praesidium erit ab ipso Vinariensi, quod laetius futurum creditur Germanis quam si Gallis detur negligentibus sane in ista rerum custodibus. Deinde si quid in Germania Germaniae est reliquum, poterit reviviscere spes prope intermortua libertatis, ubi in conspectu erunt felicia arma Germani principis.

Magnis hic animis paratur bellum in Hispaniam et per Italiam. Turcae cum Persa⁴ pax facta creditur. Negant tamen Veneti, qui anxii socios quaerunt. Pecunia satis magna impendentem metum, credo, rediment, quanta scilicet incensas in Dalmatia Uticensium naves Turca aestimaverit cum mulctae auctuario.

Palatinus⁵ miram adversum se experiens fortunae saevientis contumaciam Hamburgi nunc est, ut fedus, quod inter Suedos Anglosque cuditur, pro suis viribus promoveat. Ab illo filo ultimo pendent omnes spes tam graviter concussae domus.

Vobis omnia tranquilla opto. Quod rex Daniae⁶ naves suas reduxit, fecit, ut ais, coeli procellas, forte et alias aulae Viennensis metuens. Dicitur enim imperator, fidus regi Poloniae affinis, non leniter ferre, quod Danus se rebus externis immisceat, praesertim in re vectigalaria, ipse tantus vectigalium sititor. Sed ejus rei quid sit, vos melius noveritis.

Vale, vir nobilissime.

Scribebam XV Ianuarii anni MDCXXXIX, quem Nobilitati vestrae ejusque amicis fortunatum precor.

Nobilitatis vestrae observantissimus
H. Grotius.

1 Jan II Kazimierz.

2 Murád (Amurath IV), sultan der Ottomanen.

3 Bernhard, hertog van Saksen-Weimar.

4 Safī I.

5 Karl Ludwig van de Palts.

6 Christiaan IV.

Adres: A Monsieur Monsieur Iasky, gentilhomme à Dantzig.