Briefwisseling van Hugo Grotius. Deel 9

[p. 782]

3904. 1638 december 27. Van Willem de Groot¹.

Frater optime,

Scripsi nuper² de Delfensibus senatoribus; nunc hoc addam amotos a consulatu omnes regendi veteres: Dussenum³ et Didericum Meermanum⁴ specie thesaurariorum, quod munus huic sortito obtigit, et Adrichemum⁵ praefectura pupillari. Ita nunc nominandi sex novi consulares, inter quos nemo erit, qui consulatum unquam gessit excepto Lodestenio⁶; quo id fiat consilio ex proxima electione augurabimur. Ego cognatum Gravium⁷ consulatum adepturum puto, qui et novus et ambitiosus est, nequid ulterius dicam.

Hollandi nostri super patrocinio fisci necdum quippiam constituere; ajunt sibi nominationem competere, quia verba Foederis ita habent fisci et procuratoris generalis munia in unum quamprimum conflanda idque munus - N.B. - vicibus alternis conferendum; quae indicare videntur id, quod de alternis vicibus dicitur, tunc primum locum habiturum cum duo ista munia in unum coaluerint, quod in Kinschotio⁸ primum evenit. Ille, quem id munus affectare antea scripsi, ambit Schiedamensem syndicatum, eum rursus relicturus, si alterius dignitatis potiatur.

Nos interea quiescimus et foro, ut solemus, operam damus tantum de Brisaco et publico et privato tuorum nomine solliciti, cujus captae nuntius utinam quamprimum ad nos veniat.

Interea tibi, uxori, liberis⁹ omnia in proximum annum et sequentes fausta ac salutaria precamur.

Vale.

Tibi obseqentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr.

2 No. 3894.

3 Eewout Jacobsz. van der Dussen.

4 Dirk Meerman (†1647).

5 Joost Jacobsz. van Adrichem (†1653).

6 Mr. Everard Jansz. van Lodenstein (†1668).

7 Jacob Arentsz. van der Graaff.

8 Nicolaes van Kinschot.

9 Zie no. 3850. p. 700 n. 7.

Hagae, XXVII Decembris 1638.

Adres: A Monsieur Monsieur Grotius Ambassadeur de la Reine et couronne de Suède prez le Roy Trèschrestien A Paris.

In dorso schreef Grotius: 27 Dec. 1638 W. de Groot.

En boven aan de brief: Rec. 8 Ian.