Briefwisseling van Hugo Grotius. Deel 9

3893. 1638 december 20. Van P. de Groot⁴.

Venerande parens,

Octiduum iam est, quod secundam in foro actionem egi multo minus quam ante commotus. Spero mihi hac in re crebram exercitationem non parum profuturam.

Iam tertio locutus fuissem, nisi instantes feriae tempus negassent.

De fratre minore⁵ gaudeo intelligere quae nuntias; de majore⁶ doleo, quod eas, quae revera in bello sunt difficultates, vel male contemserit pridem vel male metuat hodie. Spero tamen, et quidem si novi, confido nihil eum aggressurum inconsultis parentibus, nihil sibi ipsi indignum.

Nos hic laetissimum heri accepimus nuntium de Brisaco dedito. Fortissimus ille princeps⁷ vel sola hac expugnatione sibi immortalitatem, hoc praesertim tempore, comparavit.

De Bannerio⁸ non minus prospera sunt quae intelligimus fuso ter Galasii⁹ exercitu.

De Treselio¹⁰ miror, quod sit tam nostri immemor. Ego ad eum scribam quam primum.

Interea Deum precor, venerande parens, ut tibi det omnia prosperrima.

Tibi obedientissimus filius
P. Grotius.

4 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

5 Diederik.

6 Cornelis.

7 Bernhard, hertog van Saksen-Weimar.

8 De Zweedse veldmaarschalk Johan Gustavsson Banér.

9 Matthias, graaf Gallas.

10 Wellicht Samuel, zoon van Daniel Tresel.

Hagae XX Dec. MDCXXXVIII.

Boven aan de brief schreef Grotius: Rec. 29 dec.