Briefwisseling van Hugo Grotius. Deel 9

3771. [1638] september 20. Van P. de Groot¹.

Venerande Parens,

Quod Amstelodami aliquanto diutius moratus fuerim quam decreveram, causa fuit D.ⁱ Crusii² ex Gallia reditus, cui, quoniam ignotus ibi erat, aliquamdiu adjutor mansi. Ille multa mihi dedit signa sincerae amicitiae petiitque, ut singulis septimanis ad eum in Suediam scriberem, pari obst[r]ictus promisso. Hoc quoniam non inutile fore confido, optem aliquando mihi scribi aliquid eorum, quae ibi³ geruntur, quod a Pelzio⁴ fieri poterit, describendo quaedam ex iis, quae ad alios scribuntur.

Amstelodami omnes valent optime, et vos omnes salutant.

D.ⁱ Vossii liber de Ido[lo]latria⁵ pervenit ad quartum et adhuc longe abest a fine. Videtur haec aetas multum ei tribuere materiae, ita ut etiam sub praelo augeatur quotidianis exemplis.

Apud Treselium filium⁶ Amstelodami agentem reperi etiamnum libros, quos jam ad vos pervenisse putaram, nescio an ipsius culpa an occasionis. Acceperat etiam ad te mittendos alios libellos ab Episcopio⁷ ut ajebat.

Jansonii⁸ typos hebraeos et Graecos brevi accipiam et mittam; est ille vir pacificus satis, verum alteri parti deditus. Videtur non adversari quidem impres-

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr. De brief moet blijkens de vermelding van de zwangerschap van de Franse koningin en het bezoek van Maria de Medici aan Amsterdam van 1638 zijn.

2 Johan Jespersson Kruus.

3 NL. in Frankrijk.

4 Grotius' nieuwe secretaris Pieter Pels.

5 Gerardi Ioannis Vossii De theologia gentili, et physiologia Christiana: sive de origine ac progressu idololatriae; deque naturae mirandis, quibus homo adducitur ad Deum, libri quatuor. Amstelodami 1641.

6 Vermoedelijk Samuel, zoon van Daniel Tresel.

7 Simon Episcopius.

8 Ioannes Janssonius, drukker-uitgever te Amsterdam, buurman en concurrent van Willem Jansz. Blaeu.

[p. 583]

sioni Anthologiarum¹, timere tamen Blavium² non minus quam ab eo timeri. Promittit tamen incepturum se, si possimus adhuc duos exspectare menses.

Deo gratias ago pro valetudine tibi restituta.

De regina matre³ ad matrem scribo.

Venit ad vos D.^s Cnutius⁴ super ejus negotio cum rege⁵ acturus. In partu reginae⁶ video quod prosit ei, video etiam quod obsit. Minus enim jam timenda erit in Gallia firmata successione, sed etiam eo firmior erit cardinalis⁷ auctoritas. Illa de sua re ad regem non scribit, sed omnia Cnutio commisit. Domesticum⁸ postea misit, ut regi et reginae gratuletur novum partum.

Deus, venerande parens, tibi semper adsit salutifer.

Tibi obedientissimus filius
P. Grotius.

1 Voor de titel van dit werk zie men p. 18 n. 1.

2 Willem Jansz. Blaeu.

3 Maria de Medici.

4 Johan de Knuyt.

5 Lodewijk XIII van Frankrijk.

6 Anna van Oostenrijk, koningin van Frankrijk.

7 De Richelieu.

8 Niet nader bekend.

20 Sept. Hagae Comitis.

Boven aan de brief schreef Grotius: Rec. 30 Sept.