Briefwisseling van Hugo Grotius. Deel 9

3649. 1638 [juni] 29. Van P. de Groot⁹.

Venerande parens,

Hodie demum Hagam reversus Amstelodamo binas tuas hic reperi, quibus simul respondeo.

9 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr. Beantw. d. no. 3664. Ondanks Pieters datering op 29 juli moet de brief van 29 juni zijn; vgl. Grotius' notitie van ontvangst en no. 3651 aanhef.

[p. 416]

Scripsissem tibi et Amstelodamo, nisi novos sumtus vitassem; captaveram tempus illud encoeniarum Delfensium¹ eo proviciscendi, quod scirem et hic illud mihi sine fructu transiturum. Paulum tamen longius ibi moratus sum quam decreveram, primo ob absentiam D. Vossii², qui tunc Dordrechti erat, deinde etiam ob absentiam Blauvii³. Eo viro nunquam urbi aliquid magis mutatum; est enim supra quam dici potest difficilis, propositi sui tenax et unius lucri amicus. Tres quatuorve dies impendi ut cum eo de Anthologiis⁴ agerem, et post multas praefationes et excusationes hoc tandem accepi magnos fecisse se sumtus in editione novi Atlantis⁵, magnos adhuc facere quotidie in aliis, quorum mora sibi damno esset futura, jam neque tempus neque pecunias neque characteres et quod ego etiam reor neque animum sibi esse nobis satisfaciendi; dolere se quod parenti jam diu sibi amico non posset hanc operam praestare. Ego respondi dolorem. suum hac in re superfluum esse neque in Gallia nobis neque in Hollandia defore qui avide eam occasionem arriperent parentem hac in re minus proprio quam Blavii commodo consuluisse. Inde capta occasione ex notitia, quam mihi cum filio Johannis Jansonii⁶ dederat commune ex Galliis iter aptato pro occasione sermone super eadem re cum eo locutus sum, qui non videbatur nimis difficilis.

Habet ille ostenditque mihi typos Graecos certe non inelegantes, sed in eo sermone ulterius procedere nolui, antequam mihi de tua voluntate plene constaret.

Salutaverunt vos praeter caeteros amicos maxime D. Hasselarius⁷ et quem heri Harlemi vidi socer ejus vir optimus D. Schotelbosch⁸.

De iis, quae hic sub comite Guilielmo Nassovio⁹ acta sunt et quod non nimis gratum sit illud nuntium et quod ab aliis id plenius accipies, non dicam neque super ejus factum iniquum censorem agam; quamvis certo accipiam maestissimum patrem, ubi post unici filii¹⁰ fatum asperrimum ad principem Arausionensem¹¹ accederet hoc unum ab eo recepisse, ut ad uxorem¹² reverteretur.

De Meppeno recuperato, quandoquidem non constet satis fama, etiam taceo.

Deus, venerande parens, tibi matri, sorori¹³ favens adsit.

Tibi obedientissimus filius
P. Grotius.

1 De ‘Delffsche Ommegang’ volgend op het feest van St. Odulph op 12 juni.

2 Gerardus Johannes Vossius.

3 Willem Jansz. Blaeu.

4 Voor Grotius' Anthologia Graeca zie men dl. V, p. 116 n. 6.

5 Wellicht is dit de Appendice dela I & II Parties du Théatre du Monde, ou Nouvel Atlas, Mis en lumiere par Giull. & Iean Blaeu: zie hierover Dr. Ir. C. Koeman, Atlantes Neerlandici I, p. 116.

6 Joost (1615-1655), zoon van de Amsterdamse boekdrukker Johannes Janssonius (1588-1664).

7 Dirck Hasselaer (1581-1645), koopman te Amsterdam, gehuwd met Brechtgen van Schoterbosch (1592-1618).

8 Jan Gerritsz. van Schoterbosch.

9 Willem, graaf van Nassau-Siegen.

10 Maurits, graaf van Nassau-Siegen.

11 Frederik Hendrik.

12 Christina van Erbach.

13 Cornelia de Groot.

XXIX Julij MDCXXXVIII Hagae Comitis.

Boven aan de brief schreef Grotius: Rec. 8 Iulij.