Briefwisseling van Hugo Grotius. Deel 9

[p. 293]

3581. 1638 mei 17. Van P. de Groot¹.

Venerande parens,

Venit heri ad me Aquitanus poeta noster Peireretus². Ille ubi in Anglia non satis faventem sibi invenit sortem neque post praedicatum multo carmine regem³, etiam reginam⁴ aliosque principes mercedem ullam aut aditum ad regem obtinere potuit, ad hasce regiones declinavit; et quam in regno mereri non potuit fortunam jam quaerit in republica. Fuit hic, ut ait, a quibusdam nostri nominis amicis praecipueque Amstelodami a D. Vossio⁵ liberaliter exceptus, edidit ibi carmina pauca satis dicta, ni fallor, Numina Bataviae. Sed istius generis hominum tam fertile hoc solum est, ut multum inde lucri ei nasciturum vix sperem. Credo itaque brevi ad vos rediturum.

Princeps Arausionensis⁶ tria destinavit militi suo loca congregaturo ad diem XXV hujus mensis, quorum unus est in Zelandia, alter prope Silvam Ducis, tertius Nimmegae. Ipse hinc discessurus ante exactum hunc mensem putatur, quorsum adhuc incertum est. Meppenum oppidum, quod ad eundem finem sibi emerat centum millibus florenorum princeps Palatinus⁷ Caesari⁸ alii armis, alii pecunia redemtum putant; sic

Pretio parata solvitur pretio fides⁹.

Brisacum duci Vinariensi¹⁰ cessisse hic fama est, sed earum rerum certiores apud voc nuntii sunt.

Hodie dedi nomen meum curiae Hollandicae, supremae cras daturus.

Nihil adhuc accepi eorum, quae ante discessum meum ex Gallia miseram. Interim tamen non desinam operam dare, ne quid temporis inutile mihi transeat Deumque precari, venerande parens, ut omnibus consiliis tuis praesens adsit diuque te et nostro et publico bono conservet.

(Ti)bi obedientissimus filius
P. Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26 Eigenh. oorspr.

2 Jean de Peyrarède, Frans edelman, afkomstig uit Bergerac. Hij onderhield relaties met tal van geleerden zoals Vossius, Nic. Heinsius, Gronovius, Salmasius en Balzac.

3 Karel I.

4 Henriette Marie.

5 Gerardus Johannes Vossius.

6 Frederik Hendrik.

7 Karl Ludwig van de Palts.

8 Ferdinand III.

9 Vgl. Seneca, Agamemnon 288: Pretio parata vincitur pretio fides.

10 Bernhard, hertog van Saksen-Weimar.

Hagae Comitis, MDCXXXVIII, XVII Maij.

Boven aan de brief schreef Grotius: Rec. 26 Maij.