Briefwisseling van Hugo Grotius. Deel 9

3525. 1638 april 11. Aan L. Camerarius⁶.

Illustrissime Domine,

Hannemannus⁷, qui has fert literas, ejus est eruditionis, ejus probitatis ac pietatis, ut eum tibi, non tralatitio more, sed propiore quadam cura commendare audeam, quanquam, ut verum loquar, non tam commendatio haec est quam nomenclatura. Ipse apud tam rectum judicem facile se commendabit sermone ac moribus, modo admissionem habuerit, quod ei officium, ut spero, satis feliciter haec epistola praestabit.

Vale, Illustrissime Domine.

Excellentiae Tuae observantissimus semper
H. Grotius.

6 Copie Uppsala, Ub., cod. 388a, ep. 132. Gedrukt Epist., p. 417. Ludwig Camerarius was Zweeds gezant in Den Haag.

7 Christian Hanmann.

Dabam Lutetiae, 11 April. 1638.

[p. 202]

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.