Briefwisseling van Hugo Grotius. Deel 9

[p. 130]

3480. [1638 maart 6.] Aan L. Camerarius¹.

Illustrissime Domine,

Quid attulerit Schmaltzius², eo quod attulit satis sibi fieri an passurus sit Davausius³, Angli vero an ad praeformatum Lutetiae fedus⁴ adjecturi sint aliquid rebus Suediae proprie conveniens aut etiam communi foederi fedus peculiare cum Suedia praemissuri, brevi, ut puto, ad notitiam nostram perveniet, magno futurum usui ad rerum hujus temporis dijudicationem.

Pomeraniae prope totius possessionem ad nostros rediisse novosque in Suedia fieri ad bellum paratus, gaudeo: de Rugia autem spero falsum repertum iri rumorem.

Videbimus brevi, in quam Germaniae partem intratura sit cum Gallassio⁵ vastitas, quando in Holsatiam penetrare non datur.

Haeret adhuc, quantum quidem nobis noscitur, ad Rijnfeldium dux Vinariensis⁶ et est ei oppido praeter fossam, ad quam is pervenit, fossa altera. Savellius⁷ a Bavaro⁸ et aliunde ad VIII millia collegit ex utraque Rheni ripa duci se oppositurus. Basileae Joannes Waertius⁹ Rhenum transiit in citeriore regione rem gesturus.

Pontificii Helvetii a protestantibus impediti hactenus, quominus ultra verba et epistolas in ducem Vinariensem quicquam tentarent, Badensi conventu¹⁰ per jurgia exacto proprium nunc inter se conventum¹¹ habent. Dux duorum, quae per epistolas petierant, alterum promisit, ne Helvetiorum agri vexarentur, alterum, quod est de reddendis episcopo Basileensi¹² arcibus, tacitum praetermittit. Non desunt Lucernae et alibi caesarianorum flabella.

Nos quotidie urgemus hanc regiam, ut propere mittantur auxilia, ne duci et parta pereant, ut nuper, et occasio. Volunt hi equites mittere ferme sexcentos. Id vero neque ad usum, neque ad famam satis est. Justum exercitum pollicentur, sed in aestatem. Verum interea temporis multa evenire possunt, quae metuimus, quae non metuimus.

Dux Longavillanus¹³ magna in Burgundiae comitatum parabat; sed repentina quaedam necessitas cohortium ejus bonam partem traxit alio apparente in Languedocia rursus Hispano¹⁴ aliaque manu transgresso Fontarabiam, veterem

1 Copie Uppsala, UB., cod. 388a, ep. 118. Gedrukt Epist., p. 406. Ludwig Camerarius was Zweeds gezant in Den Haag.

2 Peter Abel Schmalz, secretaris van de Zweedse rijkskanselier Axel Oxenstierna.

3 Claude de Mesmes, graaf van Avaux.

4 Zie VIII, p. 426 n. 4.

5 Matthias, graaf Gallas.

6 Bernhard, hertog van Saksen-Weimar.

7 Federigo Savelli, hertog van Poggio Nativo.

8 Maximiliaan I, keurvorst van Beieren.

9 Johan van Werth, ruitergeneraal in dienst van Beieren.

10 De landdag te Baden, gehouden van 2 tot 8 februari 1638.

11 Nl. te Luzern, zie no. 3462, p. 96.

12 Jean-Henri d'Ostein.

13 Henri d'Orléans, hertog van Longueville.

14 Philips IV.

[p. 131]

regnis¹ terminum, ita ut in Gallica ejus fluminis ripa munimentum excitaverit.

Illud de electore Palatino² quod scribis utinam procedat: poterit hoc etiam ad Hassos in partibus retinendos valere. Multum etiam proderit, si cito educat in apertum copias Arausionensis³.

Suedicus, ut videtur, conventus⁴ novos ad bellum spiritus edet: Polonicus⁵ ad instar Hungarici interna dissidia per sensum praesentis damni ac metum futurorum.

Ex multis Borussis cognosco Dantiscanis ad immunitatem suam tutandam non defore animos, si fides ipsis fiat auxilii a Dano et Batavis; addent se et forte Ansiatici federis quae restant civitates. Nam Suedos spectatores puto futuros et electorem Brandeburgicum⁶ nihil contributurum praeter verba. Satis puto cupiditatis esse Austriacis, ut in ultimum usque septentrionem jaculentur spes suas. Ceterum Gallia et propior est et ad praedam uberior patetque sex aut septem ex regionibus.

Haga⁷, si vivit, et ob amicitiam veterem et ob utilitates publicas gaudeo.

In omnibus hic locis preces et vota concipiuntur tum pro pace christiani orbis tum pro reginae⁸ utero. Rex⁹ episcopos abire ad ecclesias suas jussit sapienter et optimorum principum exemplo.

Reisius¹⁰, Poloni regis¹¹ legatus, D. Salvio¹² honorem exhibuit debitum tanto sapientior Zavatskio¹³, homine superstitioso.

Persevero in votis pro bono publico tuoque ac tuorum. Sum enim, Illustrissime Domine,

Excellentiae Tuae observantissimus eidemque addictissimus
H. Grotius.

1 De uitgave der Epist. geeft de lezing ‘regni’.

2 Karl Ludwig van de Palts.

3 Frederik Hendrik.

4 De rijksdag werd gehouden in de maanden februari en maart; zie de Gazette de France p. 189 no. 48 dd. 24 april 1638 en Theatrum Europaeum III, p. 841.

5 De Poolse rijksdag, gehouden van 10 maart tot 1 mei 1638.

6 Georg Wilhelm, keurvorst van Brandenburg.

7 Cornelis Haga, Staats orator te Constantinopel.

8 Anna van Oostenrijk.

9 Lodewijk XIII.

10 Andreas Rey.

11 Wladislas VII (IV) van Polen.

12 Johan Adler Salvius, Zweeds gezant in Hamburg.

13 Johan Zawadski († 1645).

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.