Briefwisseling van Hugo Grotius. Deel 9

[p. 66]

3440. 1638 februari 1. Van J.A. Salvius¹.

Excellentissime Domine legate,

Caesareani² relictis Demini, Loytzii, Wolgasti praesidiis, utramque Pomeraniam Banerio³ cesserunt hyeme, fame, vastitate coacti. Iam totam Megapolin inundarunt, prout ex inclusa designatione patet⁴.

Curtius⁵, vicecancellarius imperii, de quo fama per totam Europam sparsa erat, quasi pacem Suecis adferret, attulit tantum Gallassio⁶ mandata de reformatione ex hybernis exercitus. Sed quia hic iis parere noluit nisi scriptis et ab imperatore⁷ signatis reversus est, unde venit, Viennam Curtius.

De pace itaque altum ubique silentium: nisi quod rex Daniae⁸ iterum interpositionem moliatur, arduam incepto, exitu dubiam. Interim dum scripta mandata expectat, Megapolin funditus exhaurit Gallassius: ut certo credatur intra paucas septimanas necessario nova hyberna quaesiturus vel in Holsatia, vel trans Albim. Nam ut aliquid contra Wismariam experiatur, tempus anni vix patitur.

Omnia Smaltzii⁹ ad me perferenda mandata ipsis feriis Natalitiis Stocholmiae signata sunt. Sed, quod miror, nondum huc venit. Haerent itaque traditio ratihabitionis pactorum Wismariensium¹⁰ et tractatus de foedere Gallo-Britannico¹¹. Causas morae suspicor, quod nolit se Suecia soli Galliae obligare, antequam de Bataviae et Angliae accesssione certior fiat. Quin et de Transylvania spes est. Quibus cum singulis adhuc tractat. Metus enim est, ne ii forte subtracturi sunt manus vel certe tardius admoturi, si viderint absque hoc Suecos cum Gallis ad belli continuationem mutuo obligatos.

Rex Daniae omnes subditos ad limitum defensionem evocavit, certus non cedere exercitui caesaris Holsatiam, etiam sub periculo belli. Binas ad Dantiscum captas naves cum nautis et omni apparatu adhuc Haffniae detinet, nec adhuc repetit Polonus¹² minis tantum vindictae intentus.

Comitia mense Martio Warsaviae indicta sunt. Eorum exitus monstrabit modum speciemque vindictae. Quae certe a Danis ridetur, quamdiu classe aeque ac terrestri in Daniam accessu caret Polonia.

Hisce valeat Ex.^a T. et faveat

Excell. S. observantissimo semper
J.A.S.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 10. Orig. Eigenh. ondertek. Beantw. d. no. 3470. Johan Adler Salvius was Zweeds gezant, residerende te Hamburg.

2 De troepen van Ferdinand III.

3 De Zweedse veldmaarschalk Johan Gustavsson Banér.

4 Ontbreekt.

5 Ferdinand Siegmund Kurz.

6 Matthias, graaf Gallas, keizerlijk bevelhebber.

7 Ferdinand III.

8 Christiaan IV.

9 Peter Abel Schmalz, secretaris ter Zweedse kanselarij.

10 Het verdrag van Wismar, gesloten op 30 maart 1636. De ratificatie ervan werd door de Zweden opgehouden tot maart 1638.

11 Het betreft hier het verdrag, waarover sinds 1636 onderhandeld werd, zie VIII, p. 426 n. 4.

12 Wladislas VII (IV) van Polen.

Hamburg, d. 22 Ianuarij st. vet. A.^o 1638.

Boven aan de brief: Rec. 23 febr. 1638.