Briefwisseling van Hugo Grotius. Deel 9

3420. 1638 januari 16. Aan L. Camerarius⁵.

Illustrissime Domine,

Aguntur hic, ut fert tempus, Bacchanalia, neque multum fit. In aula amores, choreae, comoediae, neque eo minus latentia turbarum semina. Perstat Gallus⁶ Ferdinando⁷, donec aliquid agatur amplius, subtrahere nomen imperatoris, Fer-

5 Copie Uppsala, UB., cod. 388a, ep. 111. Gedrukt Epist., p. 395. Ludwig Camerarius was Zweeds gezant in Den Haag.

6 Lodewijk XIII.

7 Ferdinand III.

[p. 33]

dinandus vero negare literas tuti itineris pro legatis Germaniae principum ac civitatum.

Dux Bernhardus¹ haeret haerebitque hanc, puto, hyemem in episcopatu Basileensi et vicinis locis. Dux Lotharingus² Champlita recepta in ducatum Burgundiae excursus facit. De morte ejus falsus comperitur rumor.

Metus hic magnus est a Curtio³ et a Tartaris⁴ spei nonnihil. Nam a Turca⁵ spes decollavit adjecto ad Persicum Muschcovitico bello.

Suedi nostri ab Anglis accusantur apud Helvetios, quasi penes eos stet, quo minus foedus cum Gallis exitum suum habeat. Scripsi ad Marinum⁶ ea, quae apud aequos homines facile nos ab hac culpa sunt liberatura.

Veneti copias ac stipendia minuendo consulunt aerario eademque opera fidem habendo Caesari⁷ Hispanoque⁸ ut⁹ ipsorum vicissim fidem sibi obligant.

Magnam Batavis famam circumdat arx Minae in Africa ad Oceanum capta, cum magna spe brevi omnem eam oram ipsis cessuram invalido pridem Portugalliae regno, cui ea portio obvenerat, et nunc suis motibus involuto.

Wittewerium, praecipuum castellorum, quae dux Bernhardus ad Rhenum fecerat, diruere hostes, in tantum ab ea parte securi. Magnam hic prudentiae laudem nactus est Ramsaeus¹⁰, cum comitem¹¹ in sua ipsius arce Hanoviae inclusum tenet, ne quid seorsim pacisci aut, si pacturus¹² sit, effectum dare possit.

Mitto ipsum responsum, quod imperator Veneto¹³ dedit, in quo non pauca sunt contemplatu prudentiae tuae digna.

Opto, Illustrissime Domine, vobis omnia prosperrima.

Excellentiae Tuae addictissimus
H. Grotius.

1 Bernhard, hertog van Saksen-Weimar.

2 Karel IV van Lotharingen.

3 Ferdinand Siegmund Kurz; zie no. 3404, p. 4 n. 2.

4 Behadir-Ghiraï.

5 Murád (Amurath IV), sultan der Ottomanen.

6 Charles Marin(i), Zweeds nieuwsagent voor Zwitserland en naburige landen.

7 Ferdinand III.

8 Philips IV.

9 Het woord ‘ut’ ontbreekt in de uitgave der Epist.

10 James (Jacob) Ramsay, gouverneur van Hanau.

11 Philipp Moritz, graaf van Hanau-Münzenberg.

12 De uitgave der Epist. geeft de lezing: ‘pactus’.

13 Giovanni Battista Ballarino; zie p. 35.

Lutetiae, VI/XVI Ianuarii MDCXXXVIII.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. 15/25 Jan. A^o. 1638.