Briefwisseling van Hugo Grotius. Deel 9

3412. 1638 januari 5. Aan L. Aubéry du Maurier².

Nobilissime Maureri,

Multum me delectat constans apud te nostri memoria neque minus gaudeo sospitem te visis tribus ad septentrionem regnis Hamburgum rediisse. Nos quoque noris bene valentes vivere tuique memores atque optare omnes, ut tibi tuisque hic annus feliciter procedat; velim et Europae omni, sed id sine pace sperari non potest, quae, quantum video, nos fugit, dum alii successibus aliquot inflati ad aequa venire nolunt, alii post damna accepta reditum fortunae exspectant servantque se rebus melioribus.

Interim quae sit Germaniae agrorum vastitas urbiumque miseria, quae familiarum disjectio, adeo omnino te non latet. Quae Wrangeliano³ militi minus commode evenerunt, didiceram quidem, sed non ita minutim ac stirpitus, ut tu ea exsequeris, pro quo labore abs te mei in gratiam sumpto multum tibi debeo. Amat quidem semper vices Mars, verum id non in alio magis bello quam in isto Germanico apparuit. Itaque brevi credo revolaturam ad nos victoriam eoque magis, quod adversa viris fortibus animum imminuere non solent, prudentiam vero etiam addere.

Mire aveo cognoscere, quis futurus sit exitus novi ad Dantiscum vectigalis. Commovet ea res Suediam pactionibus, ut recte observas, innixam, Prussiam utramque, Daniam, Batavos, Anglos quoque et Gallos. Legatus Polonus⁴, qui apud Batavos fuit, et hanc rem et de mutato matrimonii quaerendi consilio⁵ metu Turcici belli excusat, frigidum satis commentum in Persam⁶ et Mos-

2 Gedrukt Epist., p. 393; Ep. ad Gallos, p. 394, waar de brief op VI januari gedateerd is. In de eerste uitgave, die van 1648, p. 477, is de datering: 5 Januarii MDCXXXVIII, ut hic Lutetiae numeramus.

3 Herman Wrangel, Zweeds veldmaarschalk.

4 Andreas Rey.

5 Hij kwam verklaren waarom Wladislas VII (IV) van Polen zich Cecilia Renata, dochter van Ferdinand II, tot vrouw gekozen had en niet Elisabeth, oudste dochter van Frederik V van de Palts, zoals aanvankelijk de bedoeling was geweest.

6 Ṣafī (Sam Mirza), sjah van Perzië.

[p. 16]

covitam¹ distractis Turcae viribus. Itaque neque rex Britanniae² honori suo satisfactum arbitratur neque Batavi sui commodi curam ob id omittent. Sed in Britannia ne admissus quidem ad regem est legatus, a Batavis vero cum responso non quale voluerat dimissus.

Fuit hic Batavorum missu D. Vosbergius³ deque solutione ejus, quae debebatur, pecuniae certus etiam in hunc annum paris liberalitatis promissa refert.

Rogo, excellentissimo D. Davausio⁴ offeras quidquid a me proficisci potest, cujus nunc frater Memmius⁵ uxorem⁶ luget, sed moderate ut et vetulam et sibi sterilem; praeterea vero etiam D. Baronem de S. Romano⁷ et D. Lindenbrogium⁸ amicissime salutes.

5 Ianuarii 1638.

Tuus ut semper
H. Grotius.

1 Michael III Fjodorwitsj Romanow.

2 Karel I.

3 Caspar van Vosbergen.

4 Claude de Mesmes, graaf van Avaux.

5 Henri de Mesmes.

6 Jeanne de Montluc, gestorven op 3 januari 1638.

7 Melchior Harod de Senevas, markies van Saint-Romain.

8 Friedrich Lindenbrog (1573-1648), jurist en filoloog te Hamburg.