Briefwisseling van Hugo Grotius. Deel 8

3320. 1637 oktober 31. Aan L. Camerarius⁶.

Illustrissime Domine,

Minus faventes nunc habuimus ventos et mare, per quos factum est, ut literas tuas datas XXVIII 7 bris et V octobris⁷ die demum XXVIII Octobris acciperem. Quae in eis continentur pleraque in meis antehac missis literis attigi exposuique tum quae ad notitiam pervenerant meam tum quae conjectatio suggerebat.

De pactis Wismariensibus⁸ eo sum incertior, quod jam aliquot nuncii ad me nihil Hamburgo attulerunt. Et de altero isto negotio, quod Hamburgo Hagam,

6 Copie Uppsala, UB., cod. 388a, ep. 100. Gedrukt Epist., p. 374. Geadresseerde was ordinarius Zweeds gezant in Den Haag.

7 De brieven van Camerarius aan Grotius ontbreken.

8 Het verdrag van Wismar tussen Frankrijk en Zweden werd op 30 maart 1636 gesloten; de ratificatie werd door de Zweden opgehouden tot het najaar 1637.

[p. 681]

Haga Hamburgum jactatur, qualis te, me quoque sollicitudo incessit. At haec duo¹ sunt e quibus res pendent maximae.

Interim diffluit quicquid in Germania speciem corporis retinebat. Suedos nostros intelligo in eo perstare, ne Coloniam mittant et puto eos optimis niti rationibus.

Pontificiorum incrementa, ne cum temporis processu malum dent et in Anglia et apud Batavos merito metuunt prudentes. Ac sicut id periculum facile prospicitur, ita remedia invenire non aeque expeditum, quamdiu ipsi inter se protestantes novas partes faciunt.

Verissimum est, quod scribis, in Italia fugae plus fuisse quam caedis. Itidem ad Leucatam. Classes otiantur.

Estampius² jam ad vos advenerit, vir bonae famae. Intelligo Leslaeo³, qui duci Bernhardo⁴ militat, permissum in Scotia milites scribere octingentos.

Haec iis, quae in altera epistola⁵ scripseram, adjungenda censui maneoque, Illustrissime Domine,

Excellentiae Tuae observantissimus studiosissimusque

H. Grotius.

1 De copie te Uppsala leest: hae duae.

2 Jean d'Estampes, sieur de Valençay, opvolger van Hercule Girard, baron van Charnacé, als Frans gezant in Den Haag.

3 Dit zal de kolonel John Leslie geweest zijn.

4 Bernhard, hertog van Saksen-Weimar.

5 No. 3319.

Lutetiae, XXXI Octob. MDCXXXVII.