Briefwisseling van Hugo Grotius. Deel 7

[p. 440]

2796. 1636 oktober 14. Aan P. Schmalz¹.

Nobilissime Domine,

Neque pro merito tuo neque pro nostra omnium in te benevolentia exceptus es a nobis tantillo tempore, quanto tibi visum est Lutetiae subsistere. Felices sumus, quibus negotium est cum tam benigno etiam minimorum officiorum interprete.

Vos recte pervenisse Lugdunum et iter sumsisse minus morbis obnoxium per Augustam Taurinorum gaudemus sane optamusque, ut cetera itineris vobis eadem prosperitate eveniant. Id autem saepe ex literis vestris cognoscere dulce nobis erit.

Nos Dei munere bene valemus.

Verum est et Ginettium² et Lugdunensem³ cardinales diverso itinere se Coloniam ferre. Interim multa in arcano aguntur.

Nobis venti adversi per mensem totum nuntios ex Hollandia Germaniaque per maris viam invidere. Sed quae longo⁴ Germaniae ambitu veniunt literae octo hostium cohortes a nostris caesas affirmant.

Edidit dux Rohanius⁵ librum ‘Perfecti Ducis’⁶ Gallice, lectu non inutilem.

Cetera hic sunt qualia reliqueras. Si qua in re opera nostra tuis rebus conducere potest, rogamus omnes, ei ne parcas.

Tuus ad omnia tibi officia paratissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 82. Gedrukt Epist., p. 270; Oxenst. Skrifter 2. afd. IV, p. 582. Geadresseerde, Peter Abel Schmalz, was secretaris van de Zweedse rijkskanselier Axel Oxenstierna.

2 Martio, kardinaal Ginetti, door Urbanus VIII ter vredesconferentie afgevaardigd.

3 Alphonse Louis du Plessis, Hertog van Richelieu, kardinaal-aartsbisschop van Lyon; hij was de oudste broer van de eerste minister.

4 De uitgaven der Epist. en der Oxenst. Skrifter hebben ‘a longo’.

5 Henri, hertog van Rohan, luitenant-generaal der Franse troepen in Graubünden en de Veltlin.

6 Zie voor dit geschrift no. 2790, p. 433 en n. 9 aldaar.

Lutetiae, XIV Octobris, anni MDCXXXVI novi Cal.