Briefwisseling van Hugo Grotius. Deel 7

2655. 1636 juli 4. Aan Christina van Zweden⁷.

Serenissima ac Potentissima Regina, Domina Clementissima,

Res laetae sociorum non ad gaudium tantum Tuae Majestatis, sed et ad necessariam his temporibus rerum dijudicationem pertinent.

Certus ab Italia nuntius advenit Crequiacum⁸ cum X millibus peditum, equitibus MD transiisse Ticinum et hoste vocato ad praelium pugnasse diu ambigue. Sub finem praelii ipsum advenisse Sabaudiae ducem⁹. Victoriam penes Gallos

7 Gedrukt Epist., p. 243.

8 Charles Créquy de Blanchefort de Canaples, commandant van de Franse strijdkrachten in Noord-Italië.

9 Vittorio Amedeo, hertog van Savoye.

[p. 236]

fuisse non incruentam mille suorum amissis, sed claris praemiis; occisis hostium tribus millibus ducibusque ipsis Martino Arragone¹ et Gambicurta²; captis hominum octingentis, quos inter praefecti multi, machinis undecim, signis multis, commeatu, sarcinis et quae bello usui, agroque circum omni, qui plenus est frugum, facto Gallorum potestatis. Spes est majorum successuum, uti ex altera parte Larium transgressus lacum incubuerit hosti Rohanius³.

Tabernae Alsaticae sub pactis dedere se cupiunt; plenam deditionem vult dux Bernhardus⁴. Dola etiam nunc obsidetur.

Deus res aeque prosperas saepe largiatur amicis et praecipue, Serenissima ac Potentissima Regina, Domina Clementissima, Tuae Majestati.

Lutetiae, 4 Iulii novi Cal. 1636.

Augustae Majest. Tuae obedientissimus subditus
H. Grotius.

1 Don Martino d'Arragona; zie no. 2654, p. 235 n. 5.

2 Geraldo Gambacorta; zie VI no. 2484, p. 538 n. 5.

3 Henri, hertog van Rohan, luitenant-generaal van de Franse troepen in Graubünden en de Veltlin.

4 Bernhard, hertog van Saksen-Weimar.