Briefwisseling van Hugo Grotius. Deel 7
(1969)–Hugo de Groot–
Auteursrechtelijk beschermd2619. 1636 juni 5. Aan Christina van ZwedenGa naar voetnoot9.Potentissima ac Serenissima Regina, Domina Clementissima, Toto hoc vere segnities amicorum totas hostium vires in exercitus Sacrae Tuae Majestatis rejecit seroque demum post amissos Rheni Mosaeque Confluentes, qui nodus praecipue res Germaniae Galliaeque connexurus fuerat, movere se Gallia incipit in Burgundiae comitatum, qui, quanquam Hispanici juris ob vetera cum Helvetiis federa bello et huic et prioribus exemtus fuerat, sed nunc ita alimentis rebusque aliis juvisse res hostiles comperitur, ut ei pacis jura servari nequeant. Dolam obsidum obsidet princeps CondaeusGa naar voetnoot10 cum peditatu XX | |
aut ultra, ut dicitur, millium, equitatu prope sex millium. Cardinalis ValettaGa naar voetnoot1 cum mediocri exercitu Hagenoviae periclitanti it succursum. Minores copias apud se habent dux Bernhardus VinariensisGa naar voetnoot2 et qui limiti Campaniae praesidet comes SuessionensisGa naar voetnoot3. Dux RohaniusGa naar voetnoot4 panis inopia fortiter, ut solet, facere impeditur. Ad Padum Gallorum sociorumque copiae extra praesidia sex ferme sunt millia equitatu, qui locis planis plurimum potest, multum infra hostem; expectant supplementa. Polonus legatusGa naar voetnoot5, qui per Hollandiam transit, jam Bruxellae est inde huc venturus, ut gratias agat pro pace factaGa naar voetnoot6 cum Sacra Tua Majestate et det operam, ut haec quoque aula regis suiGa naar voetnoot7 votis si non favens certe nec contraria sit. Ab Anglia jam hic adest legatus extraordinarius comes LicestriusGa naar voetnoot8 pacis cum caesareGa naar voetnoot9 conciliaturam moliens hoc modo, ut Lotharingiam rex GalliaeGa naar voetnoot10, Palatinatum BavarusGa naar voetnoot11 reddat. Alio mihi tendere videntur Galliam regentium consilia, ut post haec nunc ultima regni satis fessi tentamenta per inducias eorum, qui tenent, sed Lotharingiae praesertim possessionem firmet, ac si trahant de pace colloquia. De matrimonio Lotharingico fratris regiiGa naar voetnoot12 urgent pontificemGa naar voetnoot13, caesar, HispanusGa naar voetnoot14, dux CarolusGa naar voetnoot15, ut id probet. Gallici legati intercedunt, ne qua de re ad regnum adeo pertinente extra regnum cognitio instituatur. Neutram potentiam offendere volens pontifex videtur rem prolatando ducturus et Galli contenti futuri parlamenti Parisiensis pridem facto decreto aut etiam omnium parlamentorum consensu coram genere humano testaturi non valere principum regii sanguinis conjugia, quae a rege vetantur. Sunt, qui ex hac controversia dissidium Galliae ab aula romana sperant; sed ego neque pontificem quidquam constituturum arbitror, quo Gallorum sententiam improbet, et multa saepe friguscula video exoriri manente vetere servitio. Tum vero eorum, qui heic in summo sunt fastigio, neque rationes privatae ferre videntur neque eorum actiones eo tendere, ut de illa mole convellenda cogitetur. Neque id facile credet, qui considerabit nunc recens Gallica auctoritate effectum, ne protestantibus in Valle Telina habitare liceatGa naar voetnoot16. | |
Exspectamus, quid ad Saram - eo enim ivit - facturus sit dux Bernhardus; interim et Hanovia nos multum sollicitos habet. Deus, Serenissima ac Potentissima Regina, Domina Clementissima, armis justis Tuae Majestatis ejusque sociorum faveat et ea bonum ad pacis aequae perducat exitum. Lutetiae, 5 Junii ex novo calend. 1636. | |
Adres: Christinae, Reginae Sueciae, Gothorum, Vandalorum etc. |
|