Briefwisseling van Hugo Grotius. Deel 7

2557. 1636 april 18. Aan L. Grubbe¹.

Nobilissime Domine,

Hamburgum te sospitem rediisse e literis tuis V et XV Martii datis² libenter cognovi. Nec tantum pro iis, quae nuncias, gratias ago, sed vel praecipue pro summa in filium³ meum benevolentia, quam ille literis singulis praedicare non desinit. Utinam sit in quo vicem referre possim.

Valde sane avebo, quo illa magni cancellarii⁴ cum S. Chaumontio⁵ colloquium, quo item Dani⁶ conciliaturae sint abiturae.

Hic duci Bernhardo⁷ datur pecunia praesens satis parce ad sexcenta millia, promittitur in futurum, ut mos est gentis, largius.

Et classis magna sive ad recuperandas insulas⁸ sive ad inferendum Hispaniae bellum stat vela propediem factura.

In Italia magni sumtus regis⁹ sociorumque non multum promovent. Tantum datum est hosti temporis trans Alpes, ex Italia et Hispania implendi milite agrum Mediolanensem. Et Placentiae timeri video, tanta vi hostium circumsessae, ut perrumpendi tenuis spes sit. Tamen si Suedia et Gallia concordibus animis rem gerant, multoque magis, si et Britannia accedat, satis erit negotii Austriacis cum tota sua cohorte.

Quid de Stada sit et Boxtehuda nihil pridem intelligo. Sed Daniae rex, quantum cognoscere hactenus potui, viam ingreditur ad vetera sua servanda forte non ineptam, ad nova quaerenda ut archiepiscopatum Bremensem minus temporibus convenientia.

Tibi omnia, ut debeo, opto prosperrima tuumque me credi magni facio.

Tuae Nobilitati observantissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 9; bevat enige onnauwkeurigheden in schrijfwijze. Gedrukt Epist., p. 228. Over Lars Grubbe zie V, p. 432 n. 12.

2 De brieven van Grubbe zijn verloren geraakt; zij zijn althans onvindbaar.

3 Grotius had zijn oudste zoon Cornelis naar Duitsland gezonden o.m. om er de Zweedse rijkskanselier Axel Oxenstierna te ontmoeten.

4 Axel Oxenstierna.

5 Melchior Mitte de Miolans, markies van St. Chaumont.

6 Christiaan IV.

7 Bernhard, hertog van Saksen-Weimar.

8 St. Honorat en Ste. Marguerite.

9 Lodewijk XIII van Frankrijk.

Lutetiae, XVIII Aprilis MDCXXXVI.