Briefwisseling van Hugo Grotius. Deel 6

2294. 1635 september 28. Aan A. Oxenstierna³

Excellentissime Domine,

Dolet mihi, quod per eum hominem, qui huc cum literis ad cardinalem⁴ venit, nihil ex comitatu Sublimitatis Tuae acceperim. Nam his in locis, qui novi nihil adfert, vix est, ut novi quicquam discat.

Hispanica classis revixit et galeonibus decem, galeris viginti descensum fecit in duas insulas, alteram Margaritae, alteram Honorati sive Lerinam. Eae insulae

3 Hs. Stockholm, RA. Eigenh. oorspr. Beantw. d. no. 2337. Gedrukt Epist., p. 184; Oxenst. Skrifter 2. afd. II, p. 97.

4 De Richelieu.

[p. 248]

objacent extremo prope littori provinciae Narbonensis ad Pedemontanum finem. Nullum ibi munimentum praeter turrim unam erat; dicuntur Hispani nunc ibi immunire se.

De Valentiae obsidio rumores sunt, sed rerum Italicarum gnaris non crediti: quanquam Parmensis¹ satis magnifice causas edidit² derelictae Hispanicae amicitiae. Sabaudus³ ita adhuc agit, ut credi nolit esse in partibus. Veneti spectant adhuc.

Rex⁴ Barri nunc agit Lotharingis, qui ad S. Michaëlis se immunierant, imminens; deinde id agens, ut tuta Nanciacum itinera faciat, quae nunc mire per rusticorum latrocinia infesta sunt. Ducis⁵ ad Rambervillerium castra aggredi Incolismensis⁶ intutum judicat: famem an ei facere possit, ne ipse quidem in bona copia, incertum.

Non procul inde arcem obsidet Lafortius⁷. Rex ipse tum veteris tum novi dilectus apud se habere creditur XII peditum, sex equitum millia. Sed et duci Lotharingo auxilia valida advenere sub amazone Pfalsburgica⁸, Merodio⁹ Metternycko¹⁰, Badensi¹¹ et aliis.

Inter Rhenum et Francofurtum quid agatur, incerti sumus. Nec minus de landgravio¹², quem retro iisse nonnulli ajunt. Sed scribunt Galli ex aula regis multum diffluere Valettae¹³ exercitum, quanquam his diebus XVIII millia Pistoriensium equis eo perlata sunt, sed desunt ad vitam necessaria, magnum malum, nisi cum hoste commune esset.

Castilionaeus¹⁴ parat se, ut in Picardiam eat, duodecim peditis, duo equitum millia secum tracturus, sed effluxit jam anni tempus, quo res ad eum limitem geri oportuit.

Haec nunc habebamus; rogo autem Sublimitatem Tuam, ut eorum, quae scripsi antehac ad legationis dignitatem tutandae pertinentia¹⁵, memor sit vel mei vel publici causa.

Deus, Excellentissime Domine, faveat Sublimitati Tuae.

Tuae Sublimitatis cultor devotissimus
H. Grotius.

1 Odoardo Farnese, hertog van Parma.

2 De uitgave der Epist. leest: addidit.

3 Vittorio Amedeo, hertog van Savoye.

4 Lodewijk XIII van Frankrijk.

5 Karel IV, hertog van Lotharingen.

6 Charles de Valois, hertog van Angoulême.

7 Jacques Nompar de Caumont, markies van La Force.

8 Henriette van Lotharingen (1605-1660), weduwe van de in 1631 overleden Lodewijk Guise, prins van Pfalzburg.

9 Wellicht wordt met deze Merode de luitenant-generaal van Karel IV van Lotharingen bedoeld, die begin juni 1636 door de inwoners van Luik gedood werd, toen Johan van Werth zich voor de stad bevond.

10 Heinrich Metternich.

11 Wilhelm, markgraaf van Baden (1593-1677), bevelhebber in het leger van Ferdinand II.

12 Wilhelm V, landgraaf van Hessen-Kassel.

13 Louis de Nogaret d'Epernon de La Valette.

14 Gaspard de Coligny, graaf van Châtillon.

15 Vgl. no. 2265 postscriptum, p. 205.

[p. 249]

Lutetiae, 18/28 Septembris 1635.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.