Briefwisseling van Hugo Grotius. Deel 6

[p. 206]

2266. 1635 september 9. Van I. Gruter¹.

V.A. Hugoni Grotio S.P.

Vir amplissime,

Ex quo Germaniae vicinus ad Albin latebas, nonnisi per intimae admissionis amicos adiri potuisti, cum incerta mansio literarios aliorum excursus fraenaret. Ego, quod unicum familiaritati suscitandae solatium sors reliquerat, in Vossii² fide deposui scriptionis meae curam. Transmarino enim calamo spondebat Cynosuram, ne per tabellarios promiscui gregis fluctuaret. Post turbata privatae vitae quies, sed illustri legationis titulo labores tuos irradiante. Suecorum enim sceptro Oratoriae industriam impendere diceris eo in loco, qui olim exilium tuum laxato fovit aerario, apud eum regem³, qui vel hoc nomine invidere poterat patriae nostrae, quod in cive suo mirandas dotes tam indigne proculcaret. Hic te auctum istis gloriae insignibus, quibus decorata refulget Eruditio, compellat e viliore quidem literatorum tribu amicus, sed affectu valenti coryphaeos aequare potens. Ad J. Reygersbergium enim meum⁴, forte domesticis tuis insertum, properans calamus gestiebat refricando tui memoriam propalare diligentiae notas. Illa vero per cognita intervalla fervescet acrius, si reciprocae membranae incentivum percipiat. Ad Reygersbergium parentem⁵, quam Valachria nostra fovet, directum tibi iter est non obdormitante literarum commercio. Accedat sub eodem involucro tenuiculum latori onus, ingens albi mei decus. Qui doctorum labores iniqua fortuna agitatos semper vendicare a sordibus conatus es, levi officio vegetum iuventae robur stimulare non detrectabis.

Vale, vir amplissime, et Pindi⁶ iure tutam patiaris libertatem.

Tuus Isaacus Gruterus.

1 Hs. Amsterdam, UB., coll. Died. 30 T. Eigenh. oorspr. De schrijver, Isaac Gruter (1610-1680), was in 1635 conrector aan de Latijnse school te Middelburg, zijn geboorteplaats.

2 G.J. Vossius, met wie Gruter in regelmatige briefwisseling stond.

3 Lodewijk XIII van Frankrijk.

4 Johan van Reigersberch (geb. 1613), zoon van Johan van Reigersberch, de in 1632 overleden rentmeester van Zeeland Bewester-Schelde, Maria's broer; zie ook V no. 1966, p. 299 n. 2.

5 Bedoeld zal zijn Maria Nicolaï, de moeder van Maria van Reigersberch.

6 Pindus, zoon van Makedon, kleinzoon van Lykaon, was vermaard om zijn schoonheid; na een ruzie met zijn broer trok hij zich in de bossen terug en leefde er vrij en onbekom merd van de jacht.

Middelburgi in Zelandia, V Idus Septemb. MDCXXXV.

Inclusae ad Bignonium⁷ quaeso, ut per aliquem ex famulitio tuo curentur. Iterum vale.

7 Jérôme Bignon; zie over hem III, p. 154 n. 5.

Adres: Amplissimo, eruditionis fama celeberrimo viro Hugoni Grotio, Suecorum apud Christianissimum Galliarum Regem legato etc. Amica manu.