Briefwisseling van Hugo Grotius. Deel 6

2248. 1635 augustus 23. Aan L. Camerarius⁶.

Illustrissime Domine,

Quod nihil abs te hoc tempore acceperim, itinerum pericula et difficillima literas curandi ratio mirari me vetant. Rogo tamen, ne quae scribendi occasiones

6 Copie Uppsala, UB., cod. 388a, Ep. 18. Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 74. Gedrukt Epist., p. 177. Geadresseerde, Ludwig Camerarius, was Zweeds gezant in Den Haag.

[p. 183]

sinantur praeterlabi, ipse mea ex parte, quicquid hinc in tanta rerum caligine disci potest, non caelaturus. Faciunt autem me nunc breviorem tum rarae ab omnibus partibus et hae ipsae saepe non satis fidae literae, tum quod Fritsius¹, per quem has mitto literas, tanto omnia melius docere poterit, quanto et a locis venit propioribus et liberalior esse solet oris quam scripti enuntiatio.

Inter multa tristia - nam Francofurti iactura² quanti sit, facile intelligis - solatium habemus ejecto e Magontiaci urbe Galassio³ et aegre se apud Wormatiam tuente. Tantus est terror a Valettae⁴ et Vinariensis⁵ exercitu. Alterum vero regis⁶ exercitum non parum vexatum a Lotharingiae duce⁷, ut cui et equestre praelium prospere cessit et captum est Remirvillerium, auget rex multis e locis excita nobilitate, cui ut addat animos ipse ad eum finem, et forte Nanciacum usque proficiscitur relicta Riceliaco cardinali urbis cura.

Legatus Anglicus⁸, brevi hic futurus, satis dura habebit negotiorum initia, demersa nunc recens Anglica navi, quae ab Ethruria gemmis aliisque mercibus dives adventabat, vi regiarum Galliae navium pertentare illam renitentem volentium. Ita utrinque injuriae asperant animos, quos inter se concordes esse si quae unquam tempora haec certe exigunt.

De Saxoniae Inferioris, Silesiae, Prussiae aliisque rebus magna heic cognoscendi sitis est.

Deus, Illustrissime Domine, te tuosque servet.

Tuae Illustrissimae Dominationi addictissimus
H. Grotius.

1 Ludwig Fritz, rentmeester in Zweedse dienst. Hij verbleef te Benfeld en was tevens belast met het doorzenden van brieven.

2 Omstreeks half augustus, kort na de bevrijding van Mainz door Bernhard van Saksen-Weimar op de 8ste van die maand, was Frankfurt door de troepen van Ferdinand II bezet.

3 Matthias, graaf Gallas.

4 Louis de Nogaret d'Epernon de La Valette.

5 Bernhard, hertog van Saksen-Weimar.

6 Lodewijk XIII van Frankrijk.

7 Karel IV, hertog van Lotharingen.

8 John Scudamore.

Lutetiae, 13/23 augusti A^o. 1633 (sic).

Ex quo haec scripseram, intelligo legatum Angliae jam Caleti esse, regem in itinere ad Campaniam, ne longius eat.

Impedituri videntur ducis Lotharingi processus satis magni capto Pontemonsano, Spinali locisque aliis. Commeatus in illis locis difficillimi sunt, sed omne (?) id partium utrique est malum. Classis Hispani-Neapolitana nihil dum efficit, pars eius iterum ludibrium ventis deluit.

In schedula soluta⁹.

9 Dit postscriptum ontbreekt in de editie der Epist. en in de Haagse copie.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: A^o. 1635 R. 20 Septemb.