Briefwisseling van Hugo Grotius. Deel 6

[p. 167]

2238. 1635 augustus 17. Aan L. Grubbe¹.

Nobilissime Domine,

Nihil hoc tempore abs te accepi nec ab excellentissimo domino cancellario² nec a quoquam familiae ipsius, itaque in magna hic rerum, quae illic geruntur, ignorantia vivo atque interrogatus, ut in aulis fieri solet, nihil habeo, quod respondeam.

Nos ex Rhaetis res adhuc habemus prosperas redacto in ditionem Tirolanam hoste, unde frustra hactenus de recuperandis Vallibus Telina et Monasterii consilia agitant. Certum est magnum a Caesare³ et Hispano⁴ circa eas partes colligi militem; sed neque rex⁵ socios negligit iussis per Helvetiorum pagos conscribi XII millibus, ita ut spes sit res illa in parte bene cessuras.

In Italia quieta adhuc omnia, nisi quod magnae in Mediolanensi agro Hispani copiae, Gallorum quoque in Montisferratensi non exiguae omnia circum implent suspicionibus ac metu; ad quae accedit, quod classis a procellis disjecta⁶ nuper apparere iterum incipit et Gallicae orae minatur.

Omnes Gallasii⁷ copiae versus Magontiacum iere incerto hucusque eventu. Cardinalis enim Valetta⁸, cui adjunctus nunc est dux Bernhardus⁹, dubitare videtur, quid facere potissimum debeat tutis se locis tenere an periculum adire praelii. Dux Lotharingus¹⁰ in partibus quondam suis nihil nisi agrum tenet exercitu Lafortium¹¹ superans, cuius equites aliquot cecidit et missos Nanciacum commeatus intercepit irruptis et modicis quibusdam oppidis novo quotidie auctus e Burgundia milite et magno Lotharingorum concursu, quibus nomen Gallicum induere difficile est.

De Francofurto solliciti sumus. Agunt cum Caesare magistratus eius civitatis ut et Ulmae; quod si peragant, vix erit, ut Hanovia et Franckendalia viribus¹² satis inopes diu se sustentent. Manheimum et Heidelbergae arcem etiam nunc defendi rumor est. Certi enim nequid habeamus, obstant incerta itinerum. Si hostis, quod hic multi sperant, adigi postest ad transitum in alteram Rheni ripam, erunt omnia exploratiora et major amicos edocendi copia.

Interim tibi, nobilissime domine, omnia opto prosperrima.

Tuae Nobilissimae Dominationi addictissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 71. Gedrukt Epist., p. 173. Over Lars Grubbe zie V, p. 432 n. 12.

2 De Zweedse rijkskanselier Axel Oxenstierna.

3 Ferdinand II.

4 Philips IV.

5 Lodewijk XIII van Frankrijk.

6 Vgl. no. 2147, p. 30.

7 Matthias, graaf Gallas, bevelhebber van Ferdinand II in de Dertig-jarige oorlog.

8 Louis de Nogaret d'Epernon de La Valette.

9 Bernhard, hertog van Saksen-Weimar.

10 Karel IV, hertog van Lotharingen.

11 Jacques Nompar de Caumont, markies van La Force.

12 In de copie te Den Haag staat abusievelijk: virtus.

VII/XVII Augustii MDCXXXV.

[p. 168]

Vidi orationem, quam D. Davausius¹ Stocholmiae habuit. Unice miror tantum illum in eloquentia, qua sane valet, posuisse fiduciae, ut existimarit persuadere se Suecis posse, ut damno rerum ad se maxime pertinentium pacem a Polono² redimant, quo se Germaniae tanto longius sitae utiliores reddant.

1 Claude de Mesmes, graaf van Avaux.

2 Wladislas VII (IV); het betreft het bestand tussen Polen en Zweden te Stuhmsdorf op 12 september 1635 voor 26 jaar gesloten.