Briefwisseling van Hugo Grotius. Deel 6

2232. 1635 augustus 12. Aan F. Sprecher³.

Nobilissime Domine,

Quas ad me dedisti Curia Rhaetorum XXI Iulii, eas comitate legati Veneti⁴ recte accepi quidem, sed paulo postquam tabellarius stato tempore hinc ad vestras partes esset profectus; quae causa fuit, cur responsum hucusque, id est per dies septem, distulerim, nulla medio tempore data curandi occasione.

Tuas et ad Excellentissimum dominum cancellarium⁵ et ad D. Smalckium⁶ simul cum meis misi ea via, quam tutissimam existimavi, neque omisi meis literis mentionem facere summae tuae fidei ac reverentiae in nomen Suedicum⁷, quae omnia gratissima fore domino cancellario virtutes tuas recto pretio aestimanti non dubito.

Res, quae apud vos aguntur, mire et aulam hanc et nos omnes delectant. Magnam certe dux Rohanius⁸ et diligentiae et fortitudinis laudem peperit.

De Excellentissimo D. cancellario pridem est, quod nihil habemus magnis itinerum intervallis neque satis certa ulla ad mittendum via, cum in Brabantia retineantur literae, mari autem nondum ulla perpetua inventa sit ad commeatum literarum ratio. Tamen non dubitamus, quin induciae cum Polono in finem mensis Augusti protractae cum spe prorogationis longioris⁹, egregius marescalli Bannerii¹⁰ exercitus, cui ipse nunc adest cancellarius, iniqua et insidiosa plurima in pace Saxonica¹¹ aparentia, praeter ea, quae latere multi suspicantur, generosa regis¹² pro sociis consilia restitutura sint animos concussos.

3 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 70. Gedrukt Epist., p. 171. Over Fortunatus Sprecher zie IV, p. 138 n. 9.

4 Alvise Contarini di Nicolo.

5 De Zweedse rijkskanselier Axel Oxenstierna.

6 Peter Schmalz, secretaris van Oxenstierna.

7 Zie no. 2228, p. 150.

8 Henri, hertog van Rohan; hij opereerde met succes in de Veltlin.

9 Gesloten te Stuhmsdorf tussen Zweden en de Poolse koning Wladislas VII (IV) op 12 september 1635 voor 26 jaar.

10 De Zweedse maarschalk Johan Banér.

11 Zie no. 2131, p. 3 n. 8.

12 Lodewijk XIII van Frankrijk.

[p. 160]

Ad Rhenum eae sunt regis copiae sub cardinali Valetta¹, cui conjunctus est ducis Bernhardi² equitatus, ut Galassius³, cum ab obsidio Bipontini oppidi abscedere sit coactus, tum et Caesarislauteram magno labore ac sanguine partam reliquerit. Nunc ad Magontiacum res geritur quo successu nondum didicimus. Interim ducem Lotharingum⁴ cum aliis copiis Lafortius⁵ reprimit.

In Belgicis partibus post fame retrocedere coactos florentissimos regis et Batavorum exercitus, aliud quoque vulnus acceptum est, dolo hostis capto castello ad divortium Rheni, quod alii Scenquianum, alii Gravewortam vocant⁶. Profectus eo princeps Arausionensis⁷ non ante quieturus videtur quam rem restituerit sufficiente ad id anni quod restat tempore.

Rex et cardinalis⁸ bene valent tutandisque regni finibus more veteri feudorum evocant possessores. Si quid acciderit posthac dignum cognitu, te, vir nobilissime, expertem non patiar: cui et ego et uxor tui non immemor omnia optamus felicissima.

Tuae Nobilitati addictissimus
H. Grotius.

1 Louis de Nogaret d'Epernon de La Valette.

2 Bernhard, hertog van Saksen-Weimar.

3 Matthias, graaf Gallas, veldheer van Ferdinand II in de Dertig-jarige oorlog.

4 Karel IV, hertog van Lotharingen.

5 Jacques Nompar de Caumont, markies van La Force.

6 Zie no. 2231, p. 158 n. 4.

7 Frederik Hendrik.

8 De Richelieu.

XII Augusti MDCXXXV, Lutetiae.