Briefwisseling van Hugo Grotius. Deel 5

1993. 1635 maart 3. Van A. Oxenstierna¹⁰.

Sacrae Regiae Maiestatis Regnique Sueciae Senator, Cancellarius ad exercitus et per Germaniam plena cum potestate Legatus ibidemque Foederis Evangelici Director Axelius Oxenstierna, Liber Baro in Kijmitho, Dominus in Fiholmen et Tijdoen, Eques.

Nobilissime Domine Legate,

Ignotum Dominationi Tuae non est, quid hactenus non sine Christiani orbis bono, authoritate et auspiciis serenissimi quondam regis mei, augustae memo-

10 Hs. Stockholm, RA, Gallica, brev till legaten Hugo Grotius 1635-1638. Eigenh. ondertek. Gedrukt Oxenst. Skrifter 1 afd. XIII, p. 153, waar de brief oude stijl, dus op 21 februari is gedateerd.

[p. 340]

riae¹, nec non postea sub favore etiam plerorumque foederatorum Germaniae principum et procerum conatus sit Wilhelmus Usselingius² in ordinanda communi ad diversas orbis partes navigatione, prout ex iis, quae in hoc negocio hactenus acta, quousque illud provectum sit, cognoscere Dominatio Tua pluribus poterit.

Cum vero dictus Usselingius ea in re feliciter auspicanda etiam Christianissimi Galliarum regis³ favorem exoptet et a regia ipsius majestate una cum licentia facta subditis ei sese associandi peculiare etiam quoddam subsidium huic negotio expectet eique impetrando iter in Galliam me approbante susceperit, non potui, quin hos ipsius omni favore dignos conatus Dominationi Tuae meliorem in modum commendarem, ut eosdem quacunque ratione fieri possit, praesertim apud ministros Christianissimi majestatis pro sua dexteritate juvet et promoveat, praestatura in eo operam salutari huic negocio absque dubio proficuam et mihi non ingratam.

De caetero Dominatio Tua feliciter valeat et prospere res gerat.

Dabantur Wormatiae die 21 Februarij Anni 1635.

Dominationis Tuae amicissimus
Axelius Oxenstierna mp.

1 Gustaaf II Adolf (†1632).

2 Over Willem Usselincx en zijn plannen voor een Westindische Compagnie zie no. 1977, p. 314 n. 5.

3 Lodewijk XIII.

Adres: Nobilissimo Domino Hugoni Grotio, Sacrae Regiae Majestatis Sueciae Consiliario aulico secretiori et apud Sacram Majestatem Christianissimam ordinario Legato.

In dorso: 21 febr. v. st. 1635 Canc.