Briefwisseling van Hugo Grotius. Deel 5

1945. 1634 augustus 12. Aan W. Schickard⁶.

Uxor aliquamdiu post me morata Hamburgi tandem huc Francofurtum, quo magni cancellarii⁷ accitu veni, me secuta est attulitque literas tuas⁸ cum libro de Purim hebraeo⁹, quod Amaren vocant leges veterum imperatorum Christianorum.

Ostendisti etiam in re non maxima magnum aliquid praestare posse virum, qualis tu es industrium.

Ea diligentia minutissima quaeque huc pertinentia excussisti addidistique ἐπεισόδια, illud quoque mihi persuasisti eorum, qui Christiani dici volunt, sub id tempus lasciviam ex moris judaici imitatione notam.

6 Hs. Stuttgart, Hauptstaatsarch. Eigenh. oorspr. Copie Venetië, Bibl. de S. Marco, mss. Italiani Cl. XI, cod. XX col. 6789.

7 Axel Oxenstierna; zie no. 1928, p. 248 n. 8.

8 Vgl. no. 1930, p. 250 n. 10.

9 Zie no. 1930, p. 250 en n. 11 aldaar.

[p. 269]

Utinam de synagoga eiusque functionibus ac moribus libellum nobis dare tibi vacaret. Eam operam perutilem fore spondeo. Vidi quod Buchstorfius¹, vir tibi soli comparandus, eo titulo edidit², sed multa desidero ex Thalmudicis et Rabinicis libris amplius haurienda.

Sunt et in Benjamini itinerario³, quod nuper melius editum videris, nomina quaedam partim functionum partim honoraria, quae explicationis egent.

Vestri principis⁴ qui heic sunt legatos non alienos esse a resarcienda inter evangelicos ecclesiastica pace multum gaudeo eiusque rei gloriam tibi, vir praestantissime, tibique similibus ingenue tribuo; quorum optata operamque prosperet ὁ ἀϱχιποιμήν⁵.

Vale, vir nate juvandis literis, et nos semper tuos crede.

Scribebam Francofurti ad Maenum II/XII Augusti MDCXXXIV.

T. Cl. addictissimus
H. Grotius.

1 Johann Buxtorf d. Ä. (1564-1629), gereformeerd theoloog en hebraeïst.

2 Zie voor Buxtorfs Synagoga Judaica no. 1904, p. 219 en n. 3 aldaar.

3 Benjamin ben Jona, Masaot schel Rabbi Benjamin; zie - mede voor de door Grotius bedoelde uitgave - aant. IV, p. 152 n. 1.

4 Eberhard, hertog van Würtemberg; zie IV, p. 40 n. 9.

5 Vgl. N.T. I Petr. 5, 4.

Thomae Lansio⁶, viro rarae eruditionis, pro mei memoria rogo gratias meo agas nomine.

De deliquiorum sideralium observatio[ne] meminero siqua peritus occurrerit.

6 Zie over hem III, p. 239 n. 10.

Adres: Eximiae eruditionis viro Wilhelmo Schickardo, orientalium linguarum et matheseos professori, Tubingae.