Briefwisseling van Hugo Grotius. Deel 5

1831. 1633 april 9. Aan S. Petit⁸.

Viro egregio

Samueli Petito, professori Nemoursensi

H. Grotius S.

Inter eos, quos in Gallia novi, vir clarissime, sunt, quorum oblivisci velim tui

8 Gedrukt in facs. Auktionskatalog Autographen aus der Sammlung Karl Geigy-Hagenbach und anderem Besitz. Haus der Bücher, Basel - J.A. Stargardt, Marburg (Auktion am 30. und 31. Mai 1961 in Marburg).

[p. 115]

non fideliter tantum, sed et libenter memini, cuius ut raram conditionem miror, ita probitatem sanctosque mores exosculor. Me quoque non excidisse tibi et speravi semper et nunc gaudeo. Facies rem dignam tua bonitate, si per te sciam, qua nunc studiorum parte publicum demerearis: habeasne ibi librorum quam velles et typographii copiam.

In Germania arma etiam nunc literis obstrepunt nec quisquam est, cui vacet bona fide honestis artibus incumbere inter exacti temporis damna et futuri pericula.

Tibi collegisque tuis quo magis libeat doctrinis vacare, altam et immotam Galliae pacem precor.

Vale, optime Petite, et famam nominis tui ad posteros extende.

IX Aprilis MDCXXXIII. Hammaburgi.