Briefwisseling van Hugo Grotius. Deel 5

1815. 1633 februari 15. Van A. Oxenstierna⁶.

Sacrae Regiae Maiestatis Regnique Sueciae Senator et Cancellarius Ad Exercitus perque Germaniam Legatus Generalis Axelius Oxenstierna, Liber Baro in Kymitho, Dominus in Fiholmen et Tydoen, Eques Auratus etc.

Nobilis et consultissime vir amice praedilecte,

Iamdudum est ex quo rarae eruditionis fama Serenissimo Regi meo⁷ mihique innotuisti ac desiderium videndi fruendique tui incussisti non leve. Debui itaque te saepius ad aulam nostram invitare, non tantum propria mea sponte sed aliquoties etiam a S^a. Reg. M^te. iussus. Verum dum mihi perpetuis itineribus distracto negotiorum moles certam invidet sedem, Summum regum tam immature fata occuparunt⁸, ut nec illi mors nec mihi vita explendi voti nostri facultatem hactenus concesserint. Nunc cum virtutum tuarum praeco Salvius⁹ vicissim ad vos reverteretur, commodum se obtulit occasio, qua affectus erga te meos ex parte saltem expectorarem. Quodsi tantillum temporis Musis tuis surripere potueris, ut me in his oris invisas, hoc unum scias te rem mihi facturum gratissimam, quam

6 Copie (van de hand van N. van Reigersberch) Bibl. Gem. Rotterdam, coll. Rem. Kerk, cat. v. hss., no. 1579. In Nederlandse vertaling gedrukt Brandt-Cattenburgh, Leven II, p. 4. Beantw. d. no. 1819.

7 Gustaaf II Adolf.

8 Gustaaf II Adolf was op 16 november 1632 in de slag bij Lützen gesneuveld.

9 Johan Adler Salvius, Zweeds kanselier en gezant te Hamburg.

[p. 96]

quidem, si aliter nequeo, saltem ita agnoscam, ne molestia itineris tua sit et ut sentias me exilii tui incommoda lenire voluisse.

Plura nunc mihi non licet, sed si desiderio unico meo annueris, Salvio commisi, ut de tempore locoque commodis tecum pluribus communicaret.

Vale.

Berolini die V/XV febr. Anno MDCXXXIII.

T. studiosissimus
Axelius Oxenstierna.

Boven aan de brief als adres: Summo viro Domino Hugoni Grotio amico perdilecto. Hamburg.