Briefwisseling van Hugo Grotius. Deel 4
(1964)–Hugo de Groot–
Auteursrechtelijk beschermd1630. 1631 mei 1. Aan Willem de GrootGa naar voetnoot3.Frater carissime, Res Galliae adhuc in pace sunt, si vultum reipublicae respicimus; si interiora rimamur, male se habent. Regina seniorGa naar voetnoot4 Compendii custodita. Frater regiusGa naar voetnoot5 in | |
Lotharingia. Edictum regisGa naar voetnoot1 adversus fratris comites in parlamento expensum duas sententias peperit, alteram orationem habendam ad regem, qua dissuadeatur edictum, alteram injungendum procuratori regioGa naar voetnoot2, ut inquirat in ea facta, quae edicto continentur. Cum paria fuerint suffragia, res aut ad regem referenda aut ad majus consilium mittenda erit. Utraque sententia cardinalisGa naar voetnoot3 potestatem infringit, qui sub nomine regio omnia vult agere sine arbitro. Miror apud vos supinitatem magistratuum non intelligentium in suae auctoritatis labe reipublicae periculum verti. Nec minus miror Lugdunensium iniquissimas querelas quasi, ut Itali iurisconsulti loquuntur in rebus similibus, scholam bannalem habeant. Eo vero veniri, ut ob tales controversias ad privata commoda spectantes impediantur negotia publica, pernitiosi exempli est. Illud de Amstelodamensibus, quod dicis, aliquid est, sed quantillum prae iis, quae fieri debebant? PhaenissasGa naar voetnoot4 exspectabo et Heinsianam historiamGa naar voetnoot5, ubi erit commodum. Vale cum parentibus, uxoreGa naar voetnoot6, amicis, bonis omnibus. Cal. Maji 1631. Tuus totus
|
|