Briefwisseling van Hugo Grotius. Deel 4

1460. 1629 december 20. Van E. Herbert of Cherbury².

Tumultibus sopitis et utroque hoste ad meliorem mentem redeunte, te compellare liceat, mi Groti. Nimirum istud in pacis beneficio ponimus, cujus tu simul ac juris belli aequus Aestimator. Scena iam in Italia struitur, Fato forsan Virgiliano, ut quod Mantua genuit, in Parthenopen transeat. Dicant sortes Virgilianae. Nos quidem ista e longinquo prospicientes fortasse minora justo existimamus, nostra ut intersit plurimum, quacunque ex parte recidat alea. Sed te incolumi saltem vigebit res litteraria, quam promovere perge, et me, ut soles, ama.

Vale, charissime Groti, et multis nominibus colende.

Raptim dabam Londini. Dec. 10/20 1629.

Tibi addictissimus
E. Herbert.

2 Hs. U.B. Leiden, cod. B.P.L. 749. Eigenh. oorspr. Betreffende de schrijver zie III n^o. 1101, p. 74 n. 7.

Ex quo ultimo ad te scripsi nullam omnino accepi epistolam, quod an tabellarii mei an quidem tui culpa acciderit, a te scire vellem.

Saluta mea ex parte dominum Tilenum³, si placet.

3 Daniel Tilenus.

Onder aan de brief met andere hand:

Inscriptio erat: A Monsieur Monsieur Grotius recommandé à Monsieur Angier à Paris.