Briefwisseling van Hugo Grotius. Deel 3

1303. 1628 augustus 26. Aan Willem de Groot⁵.

Et quas nono Iulii et quas decimo tertio mensis hujus ad me dedisti literas, frater carissime, recte accepi et pro nuntiatis gratias ago: utinam laetiora essent saltem pro libertate domestica eorum, quos Diotrephes⁶ in ecclesiam recipere nolunt. Nam illud iniquissimum, cum religio sine coetibus ali non magis possit quam homo sine pane, prohibere quominus suos habeat, quos interim ad tuos nolis admittere. Rogo te quamprimum per amicum si potes, sin minus se offert occasio, per primum tabellarium mittas mihi tabulam aliquam, quae optime facta putatur territorii Sutfaniensis, qua valde opus habeo.

Hic res haud multum mutarunt. Rupellae divites se sustentant, plebs strenue esurit: utrique se erigunt in spem auxiliorum e Britannia, quae in tempus maximi

5 Gedrukt Epist., p. 810.

6 De contra-remonstranten.

[p. 370]

aestus Septembris exspectantur. Copiae in Gallia duci Mantuano¹ conscriptae, cum perrumpere per Alpinas valles sperarent, inhibitae sunt objectu castelli et quia machinas ipsae non adduxerant, et antequam advenirent, Sabaudus² suis auxilio advenit. Hinc rejecti milites ducum inter se discordia et victus inopia ita diffluxere, ut vix multo tempore recolligi possint. Haec omnia incommoda sunt ex bello Galliae intestino, quod haud permittit aperto Marte rem in Italia geri; nec sine Gallis aut pontifex aut Veneti quicquam audeant.

De Mylio³ quid erit exspectabimus. Ad ea, quae scripsi antehac⁴, responsum exspecto, praesertim de Iure belli ac pacis. Librum de Veritate religionis Christianae puto jam per Liranum⁵ receperis. De Eva Meursia⁶ si res habet ut nuper scripsisti, mutanda erit historia. Valde scire aveo, quod futurum sit consilium curiae in causa remonstrantium. Parentibus optimis, tuae⁷, tuis, nostris omnibus salutem. Cornelia⁸ nostra revaluit. Ceteri valemus. XXVI Augusti XVI^cXXVIII.

Ex approbatione decreti synodalis per Ordines facti apparet politicos nulla magis de re sollicitos esse, quam ne remonstrantes in rempublicam irrepant. Huc enim illa tendunt consilia. Has inclusas rogo des Mairio⁹ et rem apochae cures.

Tui amantissimus frater
H. Grotius.

1 Carlo Gonzaga.

2 Carl'Emanuele.

3 Cornelis van der Myle.

4 Zie n^o. 1295.

5 Zie n^o. 1283, p. 341 en n. 4 aldaar.

6 Eva Vlieghen uit Meurs; zie Nicolaes a Wassenaer, Historisch Verhael alder ghedenckweerdichste geschiedenissen ... 'T Vijtiende deel 1629, f. 64.

7 Alida Graswinckel.

8 De oudste dochter.

9 De Leidse uitgever Jean le Maire.