Briefwisseling van Hugo Grotius. Deel 3

1237. [1628 maart 10.] Aan G.M. Lingelsheim³.

Mitto tibi, vir optime et inter amicos amicissime, Benoni⁴, id est filium doloris mei, quem utinam Deus faciat Benjamin, i.e. filium dextrae, non meae, sed suae, quo omne, quod a religione universim sumta aut speciatim a Christiana alienum est, educatur ex aegrotis et graviter periclitantibus animis, quibus inter alia mala foecundum est hoc seculum. Scis morem meum omnia mea ad te deferendi, non ut ad lectorem tantum, sed et ut ad iudicem. Quare rogo, hunc libellum scriptum a me Belgice olim in carcere, nunc in exsilio latine versum cognoscas, sed ita ut domini fortunae aliquid condones. Si qui apud vos avent recudere aut etiam vertere, non impedio, dum aliquid tuae sollicitudinis accedat, quam scio pro me ac meis semper esse maximam. Erratorum etiam eorum, quae typographus omiserat, indiculum adieci, ne quid peccetur, si quis editionem novam adornet.

Vale, vir summe.

Tuus idem qui iam olim
H. Grotius.

3 Copie. KB. Kopenhagen, Ny kgl. Saml. n^o. 167aant., 99 BS. Gedrukt Reifferscheid Quell. I, p. 317. De vermoedelijke datering is volgens Reifferscheid; zie t.a.p.

4 Vgl. Genesis 35, 18; bedoeld is Sensus librorum sex, quos pro veritate religionis Christianae Batavice scripsit Hugo Grotius. Lugduni Batavorum, ex Officina Iohannis Maire MDCXXVIII. Dit was de latijnse vertaling van het in 1622 verschenen Bewys van den waren godsdienst In ses Boecken gestelt. Zie Ter Meulen-Diermanse, resp. n^o. 944 en 143.

Adres: D. Georgio Michaeli Lingelshemio.

Argentoratum.