Briefwisseling van Hugo Grotius. Deel 3

1114. 1626 [december] 23. Aan Willem de Groot⁴.

Proficiscentibus ad vos Arausionensium legatis, Falcoburgii⁵ amicis, quos tibi, si qua in re tuae opis indigeant, ut amici amicos commendo, rapui oblatam ad te scribendi occasionem; quanquam eo tempore, quo magis a vobis nuntios exspectare, quam ad vos hinc mittere debeamus.

De Hexabiblo⁶ miror nihil me intelligere. Protrahitur hic conventus⁷ non ordinum quidem, sed delectorum a rege quinquaginta ex episcopis, nobilitate

4 Gedrukt Epist., p. 795. De brief zal van 23 december, niet van 23 november zijn, daar in het eerste geval de nieuwjaarswens begrijpelijker is. Bovendien is er reeds een brief van 23 november aan Willem (n^o. 1108).

5 Zie II, p. 261 n. 1.

6 De Veritate religionis Christianae; zie n^o. 1088, p. 61 en n. 17 aldaar.

7 Zie n^o. 1112, p. 89 en n. 1 aldaar.

[p. 91]

et curia iudicum ad minuenda regni impendia, obventiones augendas, provehenda commercia; praecipue vero ut consilii regii actionibus auctoritas inde accedat.

De Bocardo¹ quod scribis dolet mihi non melius successisse consilium resarciendae pacis ecclesiasticae. Nunc avemus scire, quid futurum sit circa Hiberniam, ubi Hispani insulam adjacentem occupasse dicuntur et jam firmari auxilio Dunquercanae classis. Alii non prope Hiberniam, sed ad Cornubiam adjacentes insulas, Sillinas nomine, occupatas referunt, magna populi in Buchingamum² indignatione, quod bello non necessario implicuerit Britanniam non satis provisis rebus ad tutelam terra marique. Nostri hoc infortunio fruentur abscedente longius spe pacis inter Hispanum et Angliam.

Praeter haec habebam nihil. Parentibus conjugique tuae³, sorori⁴ quoque et ejus marito liberisque vestris annum sequentem opto quam felicissimum.

23 Novembris 1626.

Tui amantissimus frater
H. Grotius.

1 Zie n^o. 1057, p. 22 n. 13.

2 George Villiers, hertog van Buckingham; zie n^o. 1048, p. 8 n. 6.

3 Alida Graswinckel.

4 Adriana, die gehuwd was met Frederik van Losecaat.