Briefwisseling van Hugo Grotius. Deel 2

1025. 1625 Oct. 29. Van Edw. Herbert of Cherbury¹.

Binarum quas scripsisti, vir illustrissime, posteriores a te datae mihi priores redditae sunt litterae, quibus una accepi librum doctissimum² quem tamen pretio emptum, non multo ante, prae manibus habui; quam opportune nobis, quos hoc imprimis vexat argumentum, venerit de iure Belli tractatus, non opus est ut explicem. Hoc solummodo dicam nihil tui memoria iucundius, cuius ingenuitas, candor, probitas, doctrina mihi semper egregie constitere; quod interim librum nostrum³ aliquando teras, lubentissime accepi, ut si forte in argumento plane novo, errores aliqui, me inscio, irrepserint, tuo subsidio expungantur; qua de re si rescribas mihi, gratissimum facies; habes autem, qui te unice amat,

De classe nostra nihil habemus certi. 19/29 Oct. 1625.

Ed. Herbert.

1 Hs. Kon. Bibl. Den Haag, cod. 120 B 16. Over den schrijver zie p. 442 n. 7.

2 De iure belli ac pacis.

3 Waarschijnlijk: de Veritate prout distinguitur a revelatione verisimili possibili et a falso, dat 1624 te Parijs uitgekomen was.