Briefwisseling van Hugo Grotius. Deel 2

993. 1625 Juli 25. Aan Willem de Groot⁹.

Dubitavi, mi Frater, an ad Principem scriberem. Scripsi tamen sed ita ut nisi per Losecatium¹⁰ literas curari omnino nolim; deinde ut simul quantum possum exigam in hoc negotio taciturnitatem, ne diu cultam amicitiam improvida aliqua garritio offendat. Est ipse amans silentii et haec tempora hoc exigunt.

Pacem civilem ut puto brevi habebimus, in Italia res Gallicae pessime procedunt et arma Corduae¹ Pedemontano agro imminent. De Sancti Salvatoris oppido quin nostris perierit, frequentes ex Hispania nuntii nos dubitare non sinunt. Vidimus hic quae Bogermannus¹¹ edidit de supremis Principis Mauritii. Multa

9 Gedrukt Epistolae p. 783.

10 Zie p. 453 n. 3.

1 Don Gonzalez de Cordoue.

11 Het Christelijck Overlyden van den ... Prince, Mauritius van Nassau ... beschreven door Johannem Bogermannum. 1625. Knuttel Pamflet 3591 vv.

[p. 460]

ibi sunt ridicula: et satis apparet periculum ex Dordrechtano dogmate. Est apud nos Mylii filius¹, bono ingenio et ad res facto. Graswinckelius noster accingit se, par quem aliqua ad te mittam. Wassenarii labor² non indignus lectu est, quanquam non multo iudicio confectus. Ego nunc Lucani³ manuscriptos confero. Rogo Patrem, matrem, et propinquos salutes. Losecatium Magno⁴ iterum commendavi. Valete. 25 Iulii 1625.

Tuus tui amantissimus Frater
H. Grotius.

1 Zie p. 456 n. 6.

2 Zie p. 439 n. 4.

3 Zie p. 455 n. 12 en n^o. 997.

4 Zie p. 459 n. 5.